ᐅᖃᐅᓯᖃᒃᑐᑦ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕕᖕᒥᑦ > ᕿᒥᕈᔭᐃᓇᕆᓗᒍ

ᕿᒥᕈᔭᐃᓇᕆᓗᒍ

ᑕᑯᔪᒪᔭᕗᑦ

NBCC-ᑯᑦ ᐅᓐᓂᑑᑎᐅᕗᑦ ᐅᑭᐅᖅᑕᖅᑐᒥ ᒪᑭᒪᔾᔪᑎᒃᓴᓂᑦ.

ᑕᒪᑉᑕ – ᑲᑐᔾᔨᓗᑕ ᐋᖅᑭᒃᓱᐃᓗᑕ ᓯᕗᓂᒃᓴᑦᑎᓐᓂᒃ

ᐱᓕᕆᐊᒃᓴᕆᔭᐅᔪᑦ NBCC-ᑯᓐᓂ ᐊᖏᔫᕗᑦ ᐊᒻᒪᓗ ᐊᔾᔨᒌᖏᑦᑑᑕᐅᕗᑦ.  ᐆᒻᒪᑎᖓᓐᓂ NBCC-ᑯᑦ ᐱᓕᕆᐊᒃᓴᕆᔭᖏᓐᓂ ᐅᓇᐅᕗᖅ, ᐃᑲᔪᖅᓱᐃᓂᕐᒧᑦ ᓄᓇᓕᖕᓄᑦ ᑐᕌᖓᔪᓂᑦ ᑲᔪᓯᑦᑎᐊᕈᓐᓇᖅᑐᒥᑦ ᑮᓇᐅᔭᓕᐅᕈᑕᐅᔪᓐᓇᖅᑐᒥ ᑕᐃᒪᐃᓐᓂᖓᓄᑦ ᐊᔪᖅᓴᕐᓂᕐᒥᑦ ᒥᑭᒡᓕᑎᑦᑎᕚᓪᓕᕈᑕᐅᓂᖓᓄᑦ. ᑕᒪᒃᑮᑦ ᑖᒃᑯᐊ ᐊᑐᖅᑕᐅᔪᒪᔪᓂᑦ ᐱᔾᔪᑎᖃᖅᐳᑦ ᑲᔪᓯᑦᑎᐊᕈᓐᓇᖅᑐᓂᑦ ᓇᖕᒥᓂᓕᖕᓂᑦ, ᐊᑐᐃᓐᓇᓕᖕᓂᑦ ᐊᑲᐅᓂᖅᐹᓂ ᑮᓇᐅᔾᔭᒃᓴᔪᓐᓇᕐᓂᕐᒧᑦ ᐱᕈᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᓕᐅᕈᑕᐅᔪᓐᓇᖅᑐᒥ ᐊᒻᒪᓗ ᓴᖅᑭᑎᑦᑎᓗᓂ ᐃᖅᑲᓇᐃᔮᒃᓴᐅᔪᓐᓇᖅᑐᓂᑦ.

NBCC-ᑯᑦ ᖃᐅᔨᒪᒋᕗᑦ ᐱᐅᓂᖅᓴᓂᒃ ᐃᓕᓐᓂᐊᐳᑎᒃᓴᓂᑦ ᐊᒻᒪᓗ ᐃᓕᓐᓂᐊᕐᓂᐅᔪᓂᑦ ᓴᖅᑭᑦᑐᖃᕆᐊᖃᕐᓂᖓᓂ ᓄᓇᕗᒻᒥ. ᑕᒪᓐᓇ ᐱᐅᓯᕚᓪᓕᕈᑕᐅᒋᕗᖅ ᐱᐅᓂᖓᓂ ᓄᓇᕘᑉ  ᑐᖅᑯᖅᓯᓂᒃᑯᑦ ᐊᕙᑎᖓᓂ ᓇᓗᓇᐃᔭᐃᓂᕐᒧᑦ ᐱᐅᒋᔭᐅᓂᐊᕐᓂᖓᓂ ᐃᑲᔪᕐᓂᐊᕐᓂᖓᓂ ᓄᓇᕗᒻᒥ ᐱᕈᖅᑎᑦᑎᓇᓱᐊᕐᓂᖓᓄᑦ ᐃᓕᓴᕆᔭᐅᔪᓐᓇᖁᓪᓗᒍ ᑲᓇᑕᒥ ᐊᒻᒪᓗ ᓄᓇᕐᔪᐊᓕᒫᒧᑦ ᑮᓇᐅᔭᓕᐅᕈᑕᐅᔪᓐᓇᖅᑐᓂᑦ.   NBCC-ᑯᓐᓄᑦ ᑕᒪᓐᓇ ᑐᑭᖃᖅᐳᖅ ᑐᕌᖓᓂᓕᖕᒥᑦ ᐃᑲᔪᖅᓱᐃᓂᕐᒧᑦ

ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ ᑐᕌᖓᔪᓄᑦ ᐃᑲᔪᖅᓱᐃᓂᕐᒧᑦ ᐊᔪᙱᓐᓂᐅᔪᓄᑦ ᐱᐅᓴᐅᑎᒻᒪᕆᐅᓪᓗᓂ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᓈᒻᒪᑦᑎᐊᖅᑐᒥ ᑮᓇᐅᔭᓕᕆᓂᕐᒧᑦ.
NBCC-ᑯᑦ ᐃᑲᔪᖅᓱᐃᕗᑦ ᑐᕌᒐᕆᓇᓱᐊᖅᑕᖓᓂ ᐱᐅᓂᖅᓴᓂᒃ ᐊᒻᒪᓗ ᐊᔾᔨᐅᖕᓐᓂᖅᓴᓂᒃ ᐃᒡᓗᖃᖅᑎᑦᑎᓂᕐᒥᑦ ᓄᓇᕗᒻᒥᐅᓄᑦ, ᐊᒻᒪᓗ ᐃᑲᔪᖅᓱᐃᖏᓐᓇᕐᓂᐊᖅᐳᑦ ᐃᒡᓗᓕᐅᕐᓂᐅᔪᒥᑦ ᐱᓕᕆᓂᐅᔪᓂᑦ ᐊᒻᒪᓗ ᑎᓕᐅᕇᓐᓇᕐᓗᑎᒃ ᑮᓇᐅᔭᖃᕐᕕᐅᕙᒃᑐᓂᑦ ᕿᓂᖁᓂᕐᒧᑦ ᐱᓕᕆᔾᔪᓯᒋᔭᐅᔪᓂᑦ ᐊᑐᖅᑕᖃᓕᕐᓂᕐᒥᑦ ᓄᑖᓂᑦ ᐊᒻᒪᓗ ᑕᑯᓕᒪᓇᙱᑦᑐᓂᑦ ᓂᕈᐊᒐᒃᓴᐅᔪᓂᑦ ᑭᐅᔪᓐᓇᖁᓪᓗᒋᑦ ᓄᓇᕘᑉ ᐃᒡᓗᑭᒃᓴᓗᐊᕐᓂᖓᓄᑦ ᐱᔭᕆᐊᓕᖏᓐᓂᑦ. ᓴᙱᔪᒥᑦ ᐃᑲᔪᖅᓱᐃᔨᐅᓪᓗᑎᒃ ᓄᓇᕘᑉ ᐳᓚᕋᖅᑐᓕᕆᓂᕐᒧᑦ ᐱᓕᕆᓂᖏᓐᓄᑦ,

NBCC-ᑯᑦ ᐃᑲᔪᖅᓱᐃᖏᓐᓇᕐᓂᐊᖅᐳᑦ ᑖᒃᑯᓇᓂ ᓇᖕᒥᓂᕆᔭᐅᔪᓂᑦ ᐃᓚᐅᔪᓂᑦ ᓴᓇᓂᕐᒧᑦ ᑲᑎᙵᑦᑎᐊᖅᑐᒥ ᐃᓕᖅᑯᓯᐅᔪᒥᑦ ᐊᒻᒪᓗ ᓴᓇᐅᒐᓄᑦ ᐱᓕᕆᓂᕐᒧᑦ ᐊᒻᒪᓗ ᒪᑭᒪᔾᔪᑎᒃᓴᓂ ᖁᕝᕙᖅᑎᑦᑎᔾᔪᑕᐅᓇᔭᖅᑐᓂᑦ ᓄᓇᕗᒻᒥ ᐱᑕᖃᐅᕐᓂᖏᓐᓄᑦ.
ᐃᑲᔪᖅᓱᐃᔨᐅᓪᓗᑎᒃ ᓄᓇᕘᑉ ᓱᒃᑲᔪᒃᑯᑦ ᖃᕋᓴᐅᔭᒃᑯᑦ ᐃᖏᕐᕋᓂᖓᓂ ᐱᕙᓪᓕᐊᑎᑦᑎᓂᕐᒧᑦ, NBCC-ᑯᑦ ᐱᓕᕆᖃᑎᖃᕐᓂᐊᖅᐳᑦ ᐱᐅᓯᑎᑦᑎᕚᓪᓕᕐᓂᕐᒧᑦ ᖃᕋᓴᐅᔭᒃᑯᑦ ᐃᖏᕐᕋᓂᕐᒧᑦ ᑲᓱᖅᑎᓐᓂᕐᒧᑦ ᓄᓇᕗᒻᒥᐅᓂᑦ ᐊᒻᒪᓗ ᒥᑭᒡᓕᑎᑦᑎᕚᓪᓕᕐᓗᑎᒃ ᓄᓈᓗᖕᒥᑦ ᐊᒃᓱᕈᕈᑕᐅᔪᓂᑦ ᑕᒫᓂ ᐊᖏᔪᐊᓗᖕᒥᑦ ᓄᓇᕗᒻᒥ.  ᑐᓴᐅᒪᑎᑦᑎᔾᔪᑎᐅᑉ ᖄᒃᑲᓐᓂᐊᒍᑦ,

NBCC-ᑯᑦ ᑕᐅᑐᒃᐳᑦ ᐅᓄᖅᑐᒻᒪᕆᖕᓂᑦ ᒪᑭᒪᔾᔪᑎᒃᓴᓂᑦ ᐃᑲᔪᕈᑕᐅᔪᓐᓇᖅᑐᓂᑦ ᐊᖏᕐᕋᒧᑦ-ᐱᕈᖅᑐᕕᓂᕐᓂᑦ ᓇᖕᒥᓂᖃᕐᓂᕐᒧᑦ ᐃᓚᐅᓗᑎᒃ ᐱᕈᖅᐸᓪᓕᐊᔪᒧᑦ ᐱᔾᔪᑎᒃᓴᐅᔪᓄᑦ ᐱᓕᕆᓂᐅᔪᓄᑦ, ᐅᔭᕋᖕᓂᐊᕐᓂᕐᒨᒐᓗᐊᖅᐸᑦ ᐅᕝᕙᓘᓐᓃᑦ  ᐊᖑᓇᓱᖕᓂᕐᒧᑦ, ᐊᒻᒪᓗ ᐃᑲᔪᖅᓱᐃᓂᕐᒧᑦ ᑐᙵᓵᕆᓂᕐᒧᑦ ᐱᓕᕆᓂᐅᔪᓂᑦ ᐊᒻᒪᓗ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᑑᕐᓗ ᐃᖏᕐᕋᔪᓕᕆᓂᕐᒧᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᑦ.

ᐅᔾᔨᕈᓱᒃᖢᑎᒃ ᑭᒡᓕᖃᕐᓂᖏᓐᓂᑦ ᒥᑭᑦᑑᓪᓗᑎᒃ ᑲᑐᔾᔨᖃᑎᒌᒃᑑᓂᕐᒥᑦ, NBCC-ᑯᑦ ᑐᑭᓯᐅᒪᕗᑦ ᐊᒃᑑᑎᖃᑦᑎᐊᕐᓂᕐᒧᑦ ᓯᕗᒻᒧᑦ ᐃᖏᕐᕋᓂᖃᕆᐊᖃᖅᐳᑦ ᐃᓱᒪᒃᒪᖅᓯᐅᕈᑎᒃᓴᓂᒃ ᐱᓕᕆᖃᑎᒌᖕᓂᕐᓂᑦ ᐊᒻᒪᓗ ᐱᓕᕆᖃᑎᖃᕐᓗᑎᒃ ᐊᓯᖏᓐᓂᑦ ᑮᓇᐅᔭᓕᐅᕈᑎᒃᓴᓂᒃ ᐱᕙᓪᓕᐊᑎᑦᑎᔨᐅᔪᓂᑦ ᑲᑐᔾᔨᖃᑎᒌᖑᔪᓂᑦ ᑎᑭᑦᑐᓐᓇᖁᓪᓗᒋᑦ ᐱᐅᓂᖅᓴᒥᑦ ᐃᓅᓯᖃᕐᓂᕐᒧᑦ ᓄᓇᕗᒻᒥᐅᓄᑦ

NBCC-ᑯᑦ ᐃᑲᔪᖅᓱᐃᕗᑦ ᒐᕙᒪᒃᑯᑦ ᓄᓇᕗᒻᒥ ᑕᑯᔪᒪᔭᖓᓐᓂᑦ ᑕᒪᑉᑕᒥᑦ, ᑲᑐᔾᔨᓗᑕ ᐋᖅᑭᒃᓱᐃᓗᑕ ᓯᕗᓂᒃᓴᑦᑎᓐᓂᒃ -- ᖃᐅᔨᓴᐃᓂᕐᒧᑦ ᑕᒪᒃᑮᓕᒫᑦ ᐅᒃᐱᕈᓱᖕᓂᐅᔪᓂᑦ ᐊᑑᑎᖃᕐᓂᕐᒥᑦ ᑲᓱ-ᔨᖃᑎᒌᖑᔪᓂᑦ ᐱᕙᓪᓕᐊᑎᑦᑎᓂᕐᒧᑦ.  ᑐᕌᖓᓂᖃᕐᓗᑎᒃ ᐱᓕᕆᓂᕆᔭᖏᓐᓂᑦ ᐃᑲᔪᖅᓱᐃᓂᕐᒧᑦᓄᓇᓕᖕᓄᑦ-ᑐᕌᖓᔪᓄᑦ ᑲᔪᓯᑦᑎᐊᕈᓐᓇᖅᑐᒥᑦ ᑮᓇᐅᔭᓕᐅᕈᑕᐅᔪᓐᓇᖅᑐᒥ, NBCC-ᑯᑦ ᑎᑭᐅᑎᓂᐊᖅᐳᑦ ᓯᕗᓪᓕᕐᒥᑦ ᐱᓕᕆᐊᒃᓴᕆᔭᖏᓐᓂᑦ.

ᑎᒥᕈᖅᓯᒪᔪᓄᑦ ᐋᖅᑭᒃᑕᐅᓯᒪᓂᖓ

ᒪᓕᒐᓕᐅᖅᑎ ᐲᑕ ᑕᑉᑐᓇ ᒥᓂᔅᑕᐅᕗᖅ ᑲᒪᒋᔭᖃᕐᓂᓕᒃ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐸᕇᓴᓐ. ᒥᓂᔅᑕᐅᒃᑲᓐᓂᕆᕗᖅ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᓕᒃᑯᓪᓗ, ᓯᕗᓕᖅᑎᐅᑉ ᑐᖓᓕᐊ, ᒥᓂᔅᑕᐅᕗᖅ ᑲᒪᒋᔭᖃᕐᓂᓕᒃ ᓄᓇᕗᒻᒥ ᐱᕙᓪᓕᐊᑎᑦᑎᓂᕐᒧᑦ ᑎᒥᕈᖅᓯᒪᔪᓄᑦ, ᐊᒻᒪᓗ ᒥᓂᔅᑕᐅᕗᖅ ᑲᒪᒋᔭᖃᕐᓂᓕᒃ ᐅᔭᕋᕐᓂᐊᕐᓂᕐᓄᑦ.

ᑕᑯᒃᓴᐅᑎᑕᐅᔪᒃᑯᑦ ᑎᒥᕈᖅᓯᒪᔪᓄᑦ ᑲᒪᒋᔭᖃᕆᐊᖃᕐᓂᕐᒧᑦ ᓇᓗᓇᐃᒃᑯᑕᖏᑦ, ᐊᑐᖅᑐᐊᕐᕕᒃᑯᑦ ᑲᒪᒋᔭᖃᕆᐊᖃᖅᐳᑦ ᒥᓂᔅᑕᐅᔪᒧᑦ ᑲᒪᒋᔭᖃᖅᑐᒧᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐸᕇᓴᓐᑯᓐᓄᑦ ᐅᑰᓇᑎᒍᑦ ᑲᑎᒪᔩᑦ ᐊᐅᓚᑦᑎᔨᐅᓪᓗᑎᒃ. ᑲᑎᒪᔩᑦ ᓴᓇᓯᒪᕗᑦ 7-ᓂᑦ 12-ᓄᑦ ᑲᑎᒪᔨᓂᑦ, ᑎᒃᑯᐊᖅᑕᐅᓯᒪᓪᓗᑎᒃ ᑲᒥᓴᓇᐅᔪᖅ ᒪᓕᒐᓕᐅᕐᕕᖕᒥᑦ ᓯᕗᓕᖅᑏᑦ ᐃᓱᒪᒃᓴᖅᓯᐅᕈᑎᒃᓴᓂᑦ ᑎᓕᓯᔾᔪᑕᐅᔪᓂᑦ ᒥᓂᔅᑕᒧᑦ ᑲᒪᒋᔭᖃᕐᓂᓕᒃ ᐊᑐᖅᑐᐊᕐᕕᒃᑯᓐᓄᑦ (ᒥᓂᔅᑕᐅᔪᖅ). ᑲᑎᒪᔩᑦ ᑲᒪᒋᔭᖃᓲᖑᕗᑦ ᐱᓕᕆᐊᒃᓴᐅᔪᓂᑦ ᑯᐊᐸᕇᓴᒃᑯᓐᓂᑦ ᐱᔪᓐᓇᐅᒻᒥ ᐊᑐᖅᖢᑎᒃ ᐊᔪᙱᓐᓂᖏᓐᓂᑦ ᐊᒻᒪᓗ ᐱᓕᕆᓪᓗᑎᒃ ᐱᓕᕆᐊᕆᔭᕆᐊᖃᖅᑕᖏᓐᓂᑦ ᑯᐊᐸᕇᓴᒃᑯᑦ ᒪᓕᒃᖢᑎᒃ ᑎᑎᕋᖅᓯᒪᔪᓂᑦ ᑐᕌᕈᑕᐅᔪᓂᑦ ᐊᒻᒪᓗ ᐊᑐᐊᒐᑦ ᑐᙵᕖᑦ ᐊᑐᖅᑕᐅᔭᕆᐊᓕᖕᓂᑦ ᐋᖅᑭᒃᑕᐅᓯᒪᔪᓂᑦ ᐅᕝᕙᓘᓐᓃᑦ ᑐᓂᔭᐅᔪᑦ ᒥᓂᔅᑕᒧᑦ.

ᑲᒪᒋᔭᖃᕆᐊᖃᕐᓂᕐᒧᑦ ᓇᓗᓇᐃᒃᑯᑕᖏᑦ