ᐊᑐᖅᑐᐊᑎᑦᑎᓂᕐᒧᑦ ᐋᖅᑭᓱᖅᓯᒪᔪᑦ ᓈᓴᖅᑕᐅᔾᔪᓯᖏᑦ ᐊᑐᖅᑕᐅᓲᑦ

ᑕᒪᐃᓐᓂ ᐅᖃᐅᓯᕆᓗᒋᑦ, ᑲᓇᑕᒥ ᓇᓗᓇᐃᒃᑯᑕᓖᑦ ᑮᓇᐅᔭᓕᕆᓂᕐᒧᑦ ᑮᓇᐅᔭᖃᕐᕖᖏᑦ, ᑭᓯᐊᓂᓕ ᐱᓗᐊᖅᑐᒥᒃ ᓄᓇᕗᒻᒥ, ᑮᓇᐅᔭᓂᑦ ᐊᑐᖅᑐᐊᕐᕕᖃᖅᑎᑦᑎᓲᖑᙱᒻᒪᑕ ᐱᒋᐊᖅᑎᑦᑎᔪᖃᕈᒪᑎᓪᓗᒍ ᓇᖕᒥᓂᖁᑎᒋᔭᐅᔪᒥᒃ ᐅᕝᕙᓘᓐᓃᑦ ᓇᖕᒥᓂᖁᑎᒋᔭᐅᔪᓂᑦ ᐊᐅᓚᑦᑎᓂᖃᖃᑦᑕᓚᐅᖅᓯᒪᙱᑐᐊᕈᑎᑦ ᑲᔪᓯᓂᖃᑦᑎᐊᖅᑐᒥᒃ ᓇᖕᒥᓂᖁᑎᐅᔪᒥᒃ.

ᐱᑕᖃᐅᕐᒪᓕ, ᑭᓯᐊᓂ, ᐊᒥᓱᓂᑦ ᑮᓇᐅᔭᓕᕆᔨᐅᔪᑦ ᑎᒥᖏᑦ ᓄᓇᕗᒻᒥ ᓇᖕᒥᓂᖅᑖᕈᒪᔪᓂᑦ ᐱᒋᐊᖅᑎᑦᑎᓗᑎᑦ ᐊᒻᒪᓗ ᒥᑭᔪᓄᑦ ᐊᖏᓗᐊᙱᑦᑐᓄᓪᓗ ᓇᖕᒥᓂᖁᑎᑖᕈᒪᔪᓄᑦ ᑮᓇᐅᔭᖃᖅᑎᑦᑎᒍᓐᓇᖅᑐᑦ. ᑖᒃᑯᐊ ᑲᑐᔾᔨᖃᑎᒌᖑᕗᑦ ᓲᕐᓗᒃ ᓄᓇᓕᒻᒥ ᓯᕗᓂᒃᓴᖃᑦᑎᐊᓂᕐᒧᑦ ᑲᑐᔾᔨᖃᑎᒌᖏᑦ, ᓲᕐᓗᒃ ᕿᑎᕐᒥᐅᓂ ᓄᓇᓕᖕᓂ ᓯᕗᓂᒃᓴᖃᑦᑎᐊᓂᕐᒧᑦ ᑎᒥᖓ, ᑭᕙᓪᓕᕐᒥ ᓇᖕᒥᓂᖁᑎᖃᕐᓂᕐᒧᑦ ᐱᓕᕆᕝᕕᖓ, ᐊᒻᒪᓗ ᕿᑭᖅᑖᓗᖕᒥ ᓇᖕᒥᓂᖁᑎᒋᔭᐅᔪᓄᑦ ᐊᑐᖅᑐᐊᕐᕕᒃ. ᐊᒻᒪᓗᒃᑲᓐᓂᖅ ᐊᑐᖅᑐᐊᕐᕕᒃ ᑯᐊᐳᕇᓴᙱᑦ ᐊᒻᒪᓗ ᑲᑭᕙᒃ ᑲᑐᔾᔨᖃᑎᒌᖏᑦ ᑮᓇᐅᔭᖃᖅᑎᑦᑎᒍᓐᓇᓲᑦ ᐃᓄᖕᓄᑦ ᓇᖕᒥᓂᖁᑎᑖᕈᒪᔪᓄᑦ.

ᑖᒃᑯᐊᓕ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ, ᐊᑐᖅᑐᐊᑎᑦᑎᒍᓐᓇᕋᔭᖅᑐᒍᑦ ᐃᒪᓐᓇ:
  • ᑕᒪᐃᓐᓂ, ᑮᓇᐅᔭᖃᕐᕕᓂ ᐊᑐᖅᑐᐊᕈᓐᓇᓲᖑᔪᒍᑦ ᐊᑐᖅᑐᐊᖅᑎᑦᑎᓕᕐᒥᓗᑕ ᐱᔨᑦᑎᑕᑦᑎᓐᓄᑦ ᐅᖔᑖᓃᑦᑐᓄᑦ $150,000−ᓂᑦ ᓄᓇᓕᓐᓂ ᓯᕗᓂᒃᓴᖃᑦᑎᐊᓂᕐᒧᑦ ᑲᑐᔾᔨᖃᑎᒌᖏᑦ ᐊᑐᖅᑐᐊᑎᑦᑐᒍᓐᓇᓲᖑᒻᒪᑕ ᑐᖔᓃᑦᑐᓂᑦ ᐊᒥᓲᓂᖏᓐᓂ
  • ᐱᖁᔭᖅ ᒪᓕᑦᑕᕗᑦ ᐊᑐᖅᑐᐊᑎᑦᑎᒍᓐᓇᖅᑐᒍᑦ ᐃᓱᓕᑦᑎᑦᑐᒋᑦ $1,000,000−ᖑᔪᑦ ᓇᓕᐊᓐᓄᑐᐃᓐᓇᖅ ᐊᑕᐅᓯᕐᒧᑦ ᓇᖕᒥᓂᖁᑎᒋᔭᐅᔪᒧᑦ ᐅᕝᕙᓘᓐᓃᑦ ᑐᕌᖓᔪᓄᑦ ᓇᖕᒥᓂᖁᑎᒋᔭᐅᔪᓄᑦ
  • ᓇᖕᒥᓂᖁᑎᒋᔭᐅᔪᑦ ᓄᓇᕗᒻᒦᑦᑕᕆᐊᓖᑦ

ᖃᓄᐃᑦᑑᓂᖏᑦ ᐱᓕᕆᐊᑦ ᐊᖏᖅᑕᐅᓇᓱᐊᕈᓐᓇᖅᑐᑦ ᐊᑐᖅᑐᐊᕈᑎᒋᔭᐅᓇᓱᐊᕐᓗᑎᑦ

ᖃᓄᐃᑦᑑᓂᖏᑦ ᐱᓕᕆᐊᑦ ᐊᖏᖅᑕᐅᓇᓱᐊᕈᓐᓇᖅᑐᑦ ᐊᑐᖅᑐᐊᕈᑎᒋᔭᐅᓇᓱᐊᕐᓗᑎᑦ ᐃᓱᒪᒃᓴᖅᓯᐅᕈᑎᒋᔭᐅᔪᓐᓇᕋᔭᖅᑐᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᓄᑦ ᐅᑯᐊᖑᕗᑦ:

  • ᓂᐅᕕᖅᑐᖃᕐᓗᓂ ᓇᑉᐸᖅᓯᒪᔪᓂᑦ ᐱᖁᑎᓂᑦ
  • ᓂᐅᕕᖅᑐᖃᕐᓗᓂ ᐃᒡᓗᕐᔪᐊᓂᑦ
  • ᐊᑐᖅᑐᐊᕐᓗᑎᑦ ᐱᐅᓯᕚᓪᓕᑎᑦᑎᒍᑎᒃᓴᓂᑦ
  • ᑲᑎᖅᓱᖅᑕᐅᓗᑎᑦ ᐊᑭᓕᒃᓴᕆᔭᐅᔪᑦ
  • ᐃᖅᑲᓇᐃᔮᖃᕐᓂᕐᒧᑦ ᐊᑭᑐᔫᑎᓄᑦ ᐊᑐᖅᑕᐅᓗᑎᑦ, ᓲᕐᓗᒃ ᓂᐅᕕᐊᒃᓴᕆᔭᐅᒐᔭᖅᑐᑦ ᓂᐅᕕᐊᕆᔭᐅᓗᑎᑦ ᐅᕝᕙᓘᓐᓃᑦ ᓇᖕᒥᓂᖁᑎᒋᔭᐅᔪᒧᑦ ᐊᑭᓕᐅᑕᐅᔭᕆᐊᓖᑦ ᐃᓗᐊᓄᑦ/ᓇᖕᒥᓂᖁᑎᒋᔭᐅᔪᒧᑦ ᐊᑭᓕᖅᑕᐅᔭᕆᐊᓖᑦ ᓯᓚᑖᓄᑦ
  • ᕿᓚᒥᐅᔪᒃᑯᑦ ᑮᓇᐅᔭᖃᖅᑎᑕᐅᑲᐃᓐᓇᕐᓗᑎᑦ ᐅᕝᕙᓘᓐᓃᑦ ᐃᓚᖏᓐᓂᒃ ᐊᑭᓕᒃᓴᖅᑖᕐᓗᑎᑦ
  • ᐊᑭᑦᑐᕋᐅᑎᑎᑦᑎᓗᑎᑦ ᓇᖕᒥᓂᖁᑎᒋᔭᐅᔪᑦ ᐊᑭᓕᒃᓴᓂᒍᓐᓇᐅᑎᑖᖅᑎᑦᑎᒍᓐᓇᕐᓂᖏᓐᓂᑦ ᑮᓇᐅᔭᖃᕐᕕᑎᒍᑦ ᓴᓇᔭᐅᔪᓄᑦ ᐱᓕᕆᐊᓄᑦ

ᓇᖕᒥᓂᖁᑎᖃᖅᑑᔪᑦ

ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᑭᒡᓕᖃᖅᑎᑎᙱᑦᑐᑦ ᓇᖕᒥᓂᖁᑎᖃᐅᖅᑐᓄᑦ ᐊᑐᖅᑐᐊᖅᑎᔪᓐᓇᖅᑕᖏᓐᓄᑦ ᐊᒻᒪᓗ ᑮᓇᐅᔭᖃᕐᕕᐅᔪᓂᑦ ᐊᑭᓕᒃᓴᓂᒍᓐᓇᐅᑎᑖᕐᕕᖃᐅᖅᑐᑦ ᐅᑯᓄᖓ ᓇᖕᒥᓂᖁᑎᖃᐅᖅᑐᓄᑦ: ᑐᓴᐅᒪᖃᑎᒌᖕᓂᕐᒨᖓᔪᑦ, ᓴᓇᔪᓕᕆᔩᑦ, ᑮᓇᐅᔭᓕᕆᔨᒃᑯᑦ, ᐃᖃᓗᓕᕆᔨᒃᑯᑦ, ᑐᙵᓴᐃᔪᓕᕆᔨᒃᑯᑦ, ᐱᕙᓪᓕᐊᔪᓕᕆᔩᑦ, ᐃᒡᓗᓂᑦ ᓂᐅᕕᐊᒃᓴᖃᓲᑦ, ᓂᐅᕕᕐᕕᓄᑦ, ᐳᓚᕋᖅᑐᓕᕆᓂᕐᒨᖓᔪᑦ, ᐃᖏᕐᕋᔪᓕᕆᓂᖅ, ᐊᒻᒪᓗ ᓇᖕᒥᓂᖁᑎᖃᐅᖅᑐᑦ ᐱᔨᑦᑎᕋᖅᑐᑎᑦ ᐊᔾᔨᐅᓗᐊᖅᐸᙱᑦᑐᓂᑦ.