ᑲᑎᒪᔨ – ᑲᑎᒪᔨᙳᕋᓱᖁᔨᓂᖅ ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐ, ᓄᓇᕗᑦ

ᒫᔾᔨ 22, 2018

ᑐᑦᑕᕐᕕᖃᖅᑐᖅ ᐃᖃᓗᐃᑦ, ᓄᓇᕗᒻᒥ, ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐ (NBCC), ᐊᑐᖅᑐᐊᖅᑎᑦᑎᔨᐅᓪᓗᓂᑦ ᐅᑭᐅᖅᑕᖅᑐᒥᑦ ᐱᕕᒋᔭᐅᔪᓄᑦ, ᐊᑐᖅᑐᐊᕐᕕᖃᖅᑎᑦᑎᕗᖅ ᓇᖕᒥᓂᕆᔭᐅᔪᓄᑦ ᓄᓇᕗᒻᒥᐅᓄᑦ. ᑯᐊᐳᕇᓴᓐ 53-ᓂᒃ ᐊᑐᖅᑐᐊᕐᕕᐅᕗᖅ ᑲᑎᖦᖢᒋᑦ $25 ᒥᓕᐊᓐ ᓇᒥᕈᓘᔭᖅ ᓄᓇᕗᒻᒥ.
 
ᑯᐊᐳᕇᓴᐅᔪᖅ ᓄᓇᕗᒻᒥ ᑯᐊᐳᕇᓴᐅᕗᖅ ᓄᓇᕗᑦ ᒐᕙᒪᒃᑯᑎᒍᑦ (GN), ᐊᐅᓚᑕᐅᓪᓗᓂᑦ ᑲᑎᒪᔨᓂᒃ ᐊᐅᓚᑦᑎᓪᓗᑎᒃ ᓄᓇᕗᑦ ᒐᕙᒪᐅᑉ ᖃᓂᒋᔭᖓᓂᑦ. ᑲᑎᒪᔩᑦ ᑎᒃᑯᐊᖅᑕᐅᕙᒃᐳᑦ ᒥᓂᔅᑕᒥᑦ ᑲᒪᒋᔭᓕᒃ ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐᑯᓐᓂᑦ ᒪᓕᒃᖢᒍᑦ ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐ ᐱᖁᔭᖓᑦ.
ᑲᑎᒪᔩᑦ ᐃᓚᖃᖅᐳᖅ 7 ᑐᖔᓂᐅᙱᑦᑐᖅ 12 ᐅᖓᑖᓂᐅᙱᑦᑐᕐᓗ ᑲᑎᒪᔨᓂᒃ. ᑲᑎᒪᔩᑦ ᑎᒃᑯᐊᖅᑕᐅᓯᒪᓲᖑᕗᑦ ᖄᖏᐅᑎᙱᖦᖢᑎᒃ ᐊᕐᕌᒍᑦ ᐱᖓᓱᓂᑦ ᒥᓂᔅᑕᒥᑦ ᑲᒪᒋᔭᓕᒃ ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐᑯᓐᓂᑦ. ᒫᓐᓇᐅᔪᖅ, ᑎᓴᒪᐅᔪᑦ 8-ᖑᔪᓂᒃ ᓄᓇᕘᑖᖃᑕᐅᓯᒪᕗᑦ ᑭᒡᒐᖅᑐᐃᓪᓗᑎᒃ ᑕᒪᐃᓐᓂ ᐊᒡᒍᖅᓯᒪᔪᑦ ᓄᓇᒋᔭᐅᔪᑦ ᓄᓇᕗᒻᒥ.
 
ᒥᓂᔅᑕ ᑲᒪᒋᔭᓕᒃ ᒫᓐᓇᐅᔪᖅ ᑲᑎᒪᔨᙳᕋᓱᐊᖁᔨᕗᖅ ᐃᓄᖕᓂᑦ ᐱᔨᑦᑎᕋᕈᒪᔪᓂᒃ ᑲᑎᒪᔨᐅᓂᕐᒧᑦ. ᐃᓄᐃᑦ ᐱᔨᑦᑎᕋᕈᒪᔪᑦ ᑲᑎᒪᔨᐅᓂᕐᒧᑦ ᑲᑎᒪᔨᙳᕋᓱᐊᕈᓐᓇᖅᑐᑦ ᓇᒃᓯᐅᑎᓗᒍᑦ ᑐᕌᕈᑎᒧᑦ ᐅᓇᓃᑦᑐᒧᑦ.
 
ᒥᓂᔅᑕ ᑲᒪᒋᔭᓕᒃ ᕿᓂᖅᐳᖅ ᖃᓄᑯᓘᔭᖅ ᐱᓕᕆᔨᒻᒪᕆᖕᓂᑦ ᓇᑭᙶᑯᓘᔭᖅᑐᓂᒡᓗ ᑕᐅᑐᙳᐊᖅᑐᓂᒃ, ᓯᕗᑎᐅᔪᓐᓇᖅᑐᓂᒃ, ᐱᓕᕆᐊᖃᕈᒪᔪᓂᒡᓗ ᐃᑲᔫᑎᑦᑎᐊᕐᓂᖕᒥᑦ ᑲᑎᒪᔨᐅᔪᓄᑦ ᑯᐊᐳᕇᓴᒧᓪᓗ.
 
ᐃᓱᒪᒋᔭᐅᓂᐊᖅᑐᑦ ᐊᐅᓚᑦᑎᔨᐅᓂᑰᔪᑦ ᓇᖕᒥᓂᕆᔭᐅᔪᒥᑦ ᐃᓄᐃᓪᓗ ᐱᓕᕆᐊᖃᕐᓂᑯᑦ ᓇᖕᒥᓂᕐᒥᑦ ᐊᐅᓚᑦᑎᔨᐅᓂᕐᒥᑦ, ᓇᖕᒥᓂᕆᔭᐅᔪᓄᑦ ᑮᓇᐅᔭᓕᕆᔨᐅᓂᕐᒥᑦ, ᓈᓴᐅᓯᕆᔨᐅᓂᕐᒥᑦ, ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᔨᐅᓂᕐᒥᑦ, ᐱᕙᓪᓕᐊᔪᓕᕆᓂᕐᒥᑦ, ᑭᒃᑯᑐᐃᓐᓇᕐᓄᓪᓘᓐᓃᑦ ᐊᐅᓚᑦᑎᔨᐅᒥᕐᓂᑦ. ᓄᓇᕘᑖᖃᑕᐅᓯᒪᔪᑦ ᐱᓇᓱᐊᖁᔭᐅᒻᒪᕆᒃᐳᑦ.

 
ᑲᑎᒪᔨᙳᕋᓱᒍᒪᔪᑦ ᑐᓐᓂᖅᑯᑎᖃᖁᔭᐅᕗᑦ ᑎᑎᖅᑲᓕᐊᒥᖕᓂᑦ ᐃᖅᑲᓇᐃᔮᖅᓯᐅᕈᑎᒥᓂᒡᓗ ᖃᕆᑕᐅᔭᒃᑯᑦ, ᓇᓗᓇᐃᖅᓯᒪᓗᓂᑦ ᐱᔪᓐᓇᖅᑕᖏᑦ, ᐱᔪᓐᓇᐅᑎᖏᑦ, ᐱᓕᕆᐊᕆᓂᑯᖏᑦ ᐊᓯᖏᓪᓗ ᐊᒃᑑᑎᔪᑦ ᐊᑐᕋᔭᖅᑕᖏᑦ ᑲᑎᒪᔨᐅᓂᕐᒧᑦ ᐊᐃᕐᕆᓕ 20 2018 ᑐᖔᓂᑦ ᐊᖓᔪᖅᑳᕐᒧᑦ, ᓄᓇᕗᒻᒥ ᓇᖕᒥᓂᖃᖅᑎᓄᑦᑮᓇᐅᔭᒃᑯᕕᒃᑯᐊᐳᕇᓴᓐᑯᓐᓂᑦ, ᐅᕗᖓ pma@nbcc.nu.ca