Nunavut Nanminiqaqtuniq Ikayuqtita Timigiyat
Ataniqarvik Havakviat Iqaluit, Nunavunmi, Nunavunmi Nanminiqaqtut Atukkirviit Kuapuliisitkut (NBCC), atukiktiuyut tunnganirmi pidjutikharni, tuniyaangat atukiutikhaliqivingmik nunaqaqtunik nanminiqaqtunik havakvingnun Nunavunmi. Uvani ukium maniliurnirmut ukiuq nuungumaatigut Qiqailruq 31, 2021mi, NBCC-kut piqaqtunik 36nik atukiutiqarviliqiyunikharnik avatquhimayuq taima $13milian tallamik hiamitiqhimayuq avatingni nunaptingni.
2021mi, NBCCkut kikliqarviangani malikhautikharnik atugiangani kikliqaqhimayuq angikliyumirhimayuq taima $2 milian taalamik $1 milian taalamin. Hivutunirmik malikhautikharnik nuutaanguqtiqhimayut talvani Nunavunmi Nanminiqaqtunut Atukkirvik Kuapuriasingit Maligaq ihumagiyauliqtun.
NBCC-kut nunaptingni kuapuraisingutyuq talvani Nunavut Kavamatkuni (GN), munagidjutiqaqtuq tapkuninga Katimayiingit Aulatitiyunik auladjutihimayuq mikiyunik havakviinik talvanga GNmin. Katimayiit Aulatitiyunik tikuaktauhimayut talvanga Ministamin munagiyunik NBCCmik malikhautikharnik talvani iluani Nunavut Nanminiqaqtuniq Ikayuqtita Timigiyat Maligaq.
Tamna Katimayiyiuyut Katimayiit piqaqtun havakhimaaqtunik ikiniqangitumik saivanik katimayiyiuyukharnik avatqungitunlu tualunik katimayiyiuyukharnik. Katimayiyiuyukharnik tikuaktauhimayut malikhautiqaqtunik avatqulimaitaat pingahunik ukiungani ilauyukharnik talvanga Minista munariyalik NBCC-kutni. Hadjaminun, pingahuuyut saivanin katimayiyiuyunik pidjutiqaqtunik ilauyukharnik tamangnin pingahunik avikturvingmi Nunavunmi.
Tamna Ministauyuq munagiyuq tadja tuyuqtaunginarialaqiyut uukturumayunit inungnit ilauyumagumik katimayiyiuyut Katimayiitni. Inuit ilauyumayut ikayugianganik talvani Katimayiyiuyut Katimayiit tuyuqtukhat uuktuutikhangit nayugaanun titiraqhimayuq ataani.
Tamna Ministauyuq munagihimaaqtun qiniqhimaaqtun inungnik allatqiinik ayuittiagiikhimayuq allatqiiniklu havakpakhimayunik tautuniqaqtunik, hivuliqtikharnik ayuittiagiikhimayut, havagumaarumayut tuniyaangat ihuaqtumik tuniqhaidjutikharnik talvunga Katimayiyiuyut Katimayiitnun NBCC-kutnunlu.
Ihumagiyauniaqtun tapkuninga ingunun havagiikhimavakhimayunik aulatitiyaangat nanminiqaqtunik tapkuninga inungnunlu kangikhidjutiqaqaqtunik Havaanganik Titiqiqidjutiliqiyukharnik, Maniliqiyunik, Atukiktiutiliqiyunik, Havaktuliqiyitkunilu Atanguyaliqinikkut, Pivalliadjutikharniklu Nunalaani Titiqiqidjutiliqiyunik. Pidjutiqaqtunik Angirutikharnik uuktuqtunik uuktuqtaulauquyut.
Ihumagiyauyut inuit talvuuna ilautquyauyut tuniyaangat titiraqhimayumik havaktamingniklu naunaitkunmik, titiraqhimayukhat iluani ayuittiagiikhimayainik, havagiaqaqtaingitlu, havakpakhimayainiklu allaniklu aulayut talvuuna taima qaritiniaqtuq talvunga Katimayiyiuyut Katimayiinun talvuuna Ubluirvia 31, 2021 mi talvunga Angiyuqaak Ataniqarvingmi Havaktiuyuq, uvani pma@nbcc.nu.ca.