ᒪᔨ – ᑲᑎᒪᔨᙳᕋᓱᖁᔨᓂᖅ

ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᓄᓇᕗᑦ

ᑐᑦᑕᕐᕕᖃᖅᑐᖅ ᐃᖃᓗᐃᑦ, ᓄᓇᕗᒻᒥ, ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐ (NBCC), ᐊᑐᖅᑐᐊᖅᑎᑦᑎᔨᐅᓪᓗᓂᑦ ᐅᑭᐅᖅᑕᖅᑐᒥᑦ ᐱᕕᒋᔭᐅᔪᓄᑦ, ᐊᑐᖅᑐᐊᕐᕕᖃᖅᑎᑦᑎᕗᖅ ᓇᖕᒥᓂᕆᔭᐅᔪᓄᑦ ᓄᓇᕗᒻᒥᐅᓄᑦ. ᑮᓇᐅᔭᓕᕆᓂᕐᒧᑦ ᐊᕐᕌᒍᒧᑦ ᐃᓱᓕᕝᕕᓕᖕᒧᑦ ᒫᔾᔨ 31, 2021−ᒧᑦ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ 36-ᖑᔪᓂ ᑮᓇᐅᔭᖅᑕᕈᑕᐅᔪᓂ ᐃᓂᒋᔭᐅᔪᓂ ᐱᔭᕇᖅᑕᐅᓯᒪᙱᑦᑐᓂ ᐊᑭᖃᖅᑐᖅ $13 ᒥᓕᐊᓐᓂᒃ ᐊᑐᖅᑕᐅᓂᐊᕐᓗᑎᒃ ᓄᓇᕗᓕᒫᒥ.


2021−ᒥ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒥ ᐊᖏᓛᒥ ᒪᓕᒐᑎᒍᑦ ᑐᓂᓯᔪᓐᓇᕐᓂᖏᑦ ᐊᖏᒡᓕᒋᐊᖅᑕᐅᓚᐅᖅᑐᖅ $2 ᒥᓕᐊᓐᓄᑦ $1 ᒥᓕᐊᓐᓂᒃ.  ᒪᓕᒐᓄᑦ ᐋᖅᑭᒋᐊᖅᑕᐅᓃᑦ ᓄᓇᕗᒻᒥ ᓇᒻᒥᓂᖃᖅᑐᓄᑦ ᑮᓇᐅᒃᑯᕕᒃ ᑯᐊᐳᕇᓴᓐ ᐱᖁᔭᖓ ᒪᓕᒐᓕᐅᕐᕕᖕᒥᑦ ᐃᓱᒪᒋᔭᐅᔪᑦ.

ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᓄᓇᕗᑦ ᒐᕙᒪᒃᑯᖏᓐᓂᑦ ᑎᒥᙳᖅᑎᑕᐅᓯᒪᔪᖅ ᐱᖁᔭᖅᑎᒍᑦ, ᑖᓐᓇᓗ ᐊᐅᓚᑕᐅᓪᓗᓂ ᑲᑎᒪᔨᓄᑦ ᑖᒃᑯᐊᓗ ᐃᒻᒥᒃᑰᖓᓪᓗᑎ ᐊᐅᓚᑕᐅᙱᑦᑐᑦ ᒐᕙᒪᒃᑯᓐᓂᑦ. ᑲᑎᒪᔩᑦ ᓂᕈᐊᖅᑕᐅᖃᑦᑕᖅᑐᑦ ᒥᓂᔅᑕᒧᑦ ᑲᒪᔪᒧᑦ ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐᑯᓐᓂᑦ ᒪᓕᒃᖢᒍᑦ ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐ ᐱᖁᔭᖓᑦ.

ᑲᑎᒪᔨᓄᑦ ᐃᓚᒋᔭᐅᔪᑦ 7 ᑐᖔᓂᐅᙱᑦᑐᖅ 12 ᐅᖓᑖᓂᐅᙱᑦᑐᕐᓗ ᑲᑎᒪᔨᓂᒃ. ᑲᑎᒪᔩᑦ ᓂᕈᐊᖅᑕᐅᖃᑦᑕᖅᑐᑦ ᐊᕐᕌᒍᓄᑦ ᐱᖓᓱᓄᑦ ᐊᑕᓂᐊᕐᓗᑎᑦ ᐊᒻᒪ ᐅᖓᖅᑯᑦᑎᖏᓪᓗᒋᑦ ᑖᒃᑯᐊ ᐊᕐᕌᒍᐃᑦ ᒥᓂᔅᑕᖓᓐᓄᑦ ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐᑯᓐᓂᑦ. ᒫᓐᓇᐅᔪᖅ, ᐱᖓᓲᔪᑦ 7-ᖑᔪᓂᒃ ᓄᓇᕘᑖᖃᑕᐅᓯᒪᕗᑦ ᑭᒡᒐᖅᑐᐃᓪᓗᑎᒃ ᑕᒪᐃᓐᓂ ᐊᒡᒍᖅᓯᒪᔪᑦ ᓄᓇᒋᔭᐅᔪᑦ ᓄᓇᕗᒻᒥ.

ᒥᓂᔅᑕ ᑲᒪᒋᔭᓕᒃ ᒫᓐᓇᐅᔪᖅ ᑲᑎᒪᔨᙳᕋᓱᐊᖁᔨᕗᖅ ᐃᓄᖕᓂᑦ ᐱᔨᑦᑎᕋᕈᒪᔪᓂᒃ ᑲᑎᒪᔨᐅᓂᕐᒧᑦ. ᐃᓄᐃᑦ ᓇᓪᓕᐊᑐᐃᓐᓇᖅ ᑲᑎᒪᔨᐅᓂᕐᒧᑦ ᐆᑦᑐᖃᑕᐅᔪᒪᔪᖅ ᑲᑎᒪᔨᙳᕋᓱᐊᕈᓐᓇᖅᑐᑦ ᓇᒃᓯᐅᑎᓗᒍᑦ ᑐᕌᕈᑎᒧᑦ ᐊᑖᓃᑦᑐᖅ ᓇᓗᓇᐃᖅᑕᐅᓯᒪᔪᒧᑦ.

ᒥᓂᔅᑕ ᑲᒪᒋᔭᓕᒃ ᐱᔪᒪᔪᖅ ᐃᓄᓐᓂᑦ ᐊᔾᔨᒌᙱᑦᑐᓂᑦ ᐱᓕᕆᔨᒻᒪᕆᖕᓂᑦ ᐊᔾᔨᒌᙱᑦᑐᓕᓪᓗ ᐱᓕᕆᐊᖃᕈᓐᓇᖅᑐᓂᑦ ᐃᖅᑲᓇᐃᔮᓂᑦ ᑕᐅᑐᙳᐊᖅᑐᓂᒃ, ᓯᕗᓕᖅᑎᐅᔪᓐᓇᖅᑐᓂᒃ, ᐱᔪᒪᓂᖃᑦᑎᐊᖅᑐᓂᑦ ᑲᔪᖏᕐᓂᖃᑦᑎᐊᕐᓗᑎᑦ ᐃᑲᔪᕈᒪᓂᕐᒥᑦ ᑯᐊᐳᕇᓴᑯᓐᓄᑦ ᑲᑎᒪᔨᐅᔨᓐᓄᑦ.

ᐃᓱᒪᒋᔭᐅᓂᐊᖅᑐᑦ ᐊᐅᓚᑦᑎᖃᑦᑕᖅᓯᒪᑉᐸᑕ ᓇᖕᒥᓂᖁᑎᖃᕐᓂᕐᒥᑦ ᐃᓄᐃᓪᓗ ᐱᓕᕆᐊᖃᖃᑦᑕᕐᓂᑰᑉᐸᑕ ᓇᖕᒥᓂᕐᒥᑦ ᐊᐅᓚᑦᑎᔨᐅᓂᕐᒥᑦ, ᓇᖕᒥᓂᕆᔭᐅᔪᓄᑦ ᑮᓇᐅᔭᓕᕆᔨᐅᓂᕐᒥᑦ, ᑮᓇᐅᔭᓕᕆᓂᕐᒥᑦ, ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᔨᐅᓂᕐᒥᑦ, ᐱᕙᓪᓕᐊᔪᓕᕆᓂᕐᒥᑦ, ᐅᕙᓗ ᒐᕙᒪᒃᑯᓐᓂ. ᓄᓇᕘᑖᖃᑕᐅᓯᒪᔪᑦ ᐱᓇᓱᐊᖁᔭᐅᒻᒪᕆᒃᐳᑦ.

ᑲᑎᒪᔨᙳᕋᓱᒍᒪᔪᑦ ᑐᓐᓂᖅᑯᑎᖃᖁᔭᐅᕗᑦ ᑎᑎᖅᑲᓕᐊᒥᖕᓂᑦ ᐃᖅᑲᓇᐃᔮᖅᓯᐅᕈᑎᒥᓂᒡᓗ ᖃᕋᓴᐅᔭᒃᑯᑦ, ᓇᓗᓇᐃᖅᓯᒪᓗᑎᒃ ᐱᔪᓐᓇᖅᑕᖏᑦ, ᐱᔪᓐᓇᐅᑎᖏᑦ, ᐱᓕᕆᐊᕆᓂᑯᖏᑦ ᐊᓯᖏᓪᓗ ᐊᒃᑑᑎᔪᑦ ᐊᑐᕋᔭᖅᑕᖏᑦ ᑲᑎᒪᔨᐅᓂᕐᒧᑦ ᑎᓯᐱᕆ 31, 2021 ᑐᖔᓂᑦ ᐊᖓᔪᖅᑳᕐᒧᑦ, ᓄᓇᕗᒻᒥ ᓇᖕᒥᓂᖃᖅᑎᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐᑯᓐᓂᑦ, ᐅᕗᖓ mailto: pma@nbcc.nu.ca.