ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᑕ ᐱᓕᕆᐊᕆᓪᓗᐊᓲᖓ ᓈᒻᒪᑦᑐᓂᑦ ᑮᓇᐅᔭᖅᑎᒍᑦ ᐋᖅᑭᒍᑎᒃᓴᓕᐅᓲᖑᓪᓗᑕ ᒥᑭᔪᓄᑦ ᐊᖏᓗᐊᙱᑦᑐᓄᓪᓗ ᓇᖕᒥᓂᖁᑎᒋᔭᐅᔪᓄᑦ ᓄᓇᕗᒻᒥ ᐊᑐᖅᑐᐊᕆᐊᖃᓲᓄᑦ ᐅᕝᕙᓘᓐᓃᑦ ᐊᑭᓖᓪᓚᕆᔾᔪᑎᖃᕆᐊᖃᕋᔭᖅᑐᓄᑦ ᐃᒪᓐᓇᓂᑦ $15,000 ᐊᒻᒪᓗ $1 ᒥᓕᐊᓂᒃ. ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐃᑲᔫᓯᐊᖅᑖᑎᑦᑎᒍᓐᓇᙱᑦᑐᖅ ᐊᐃᑦᑑᓯᓂᐊᒃ ᐅᕝᕙᓘᓐᓃᑦ ᐊᑭᓕᖅᓱᙲᓐᓇᕋᒃᓴᓂᒃ ᐊᑐᖅᑐᐊᕋᒃᓴᓂᑦ ᑐᓂᓯᕙᙱᑦᑐᓂᓗ ᐊᒻᒪᓗ ᓇᖕᒥᓂᖁᑎᑖᕐᓗᓂ ᐊᑭᓕᐅᑎᒋᔭᐅᔭᕆᐊᓕᖕᓄᑦ ᑮᓇᐅᔭᖅᑎᒍᑦ ᐊᑭᓖᒍᓐᓇᙱᑦᑐᖅ ᐱᒋᐊᕈᑎᓂᑦ ᐅᑎᕐᕕᐅᔪᒫᕐᓗᓂ ᖃᑭᓕᖅᑎᓪᓗᒍ ᓇᖕᒥᓂᖁᑎᒋᔭᐅᔪᖅ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐊᑐᖅᑐᐊᑎᑦᑎᒍᓐᓇᖅᑐᑦ ᑮᓇᐅᔭᓂᑦ ᐊᑭᓕᒃᓴᓂᑦᑐᖃᕐᓗᓂ ᐃᒪᓐᓇᑎᒍᑦ:
- ᐊᑐᖅᑐᐊᖅᑎᑦᑎᔪᓐᓇᓪᓚᑦᑖᖅᑐᑎᑦ ᑮᓇᐅᔭᖃᕐᕕᐅᔪᓂᑦ ᓇᖕᒥᓂᖁᑎᓕᖕᓄᑦ;
- ᐊᑐᖅᑐᐊᑎᑦᑎᔪᓐᓇᖅᑐᑦ ᑮᓇᐅᔭᖃᕐᕕᒻᒦᙶᖓᔪᓂᑦ ᓇᒻᒥᓂᖁᑎᓕᐅᔪᓄᑦ;
- ᓄᓇᕗᒻᒥᐅᑦ ᓇᖕᒥᓂᖁᑎᖃᐅᖅᑐᓄᑦ ᑮᓇᐅᔭᖁᑎᒋᔭᐅᔪᓂᑦ ᑮᓇᐅᔭᖃᕐᕕᒻᒥ ᐊᑐᖅᑐᐊᑎᑦᑎᓗᑎᑦ; ᐊᒻᒪᓗ
- ᑮᓇᐅᔭᖁᑎᒋᔭᐅᔪᓂᑦ ᑮᓇᐅᔭᖁᑎᒋᔭᐅᔪᑦ ᑮᓇᐅᔭᖃᕐᕕᒻᒥ ᑲᒻᐸᓂᐅᔪᓄᑦ ᐊᑐᖅᑐᐊᖅᑎᑕᐅᓲᑦ ᐊᑐᖅᑐᐊᖅᑎᑕᐅᓗᑎᑦ ᓄᓇᕗᒻᒥ ᓇᖕᒥᓂᖁᑎᖃᖅᑐᓄᑦ
ᐃᓱᓕᑦᑎᑦᑐᒋᑦ ᑮᓇᐅᔭᑦ $1,000,000 ᓇᓕᐊᓐᓄᑐᐃᓐᓇᖅ ᓇᖕᒥᓂᖁᑎᒋᔭᐅᔪᒧᑦ ᐅᕝᕙᓘᓐᓃᑦ ᑐᕌᖓᔪᒧᑦ ᓇᖕᒥᓂᖁᑎᒋᔭᐅᔪᒧᑦ.
ᑮᓇᐅᔭᑦ ᐊᑐᖅᑐᐊᖅᑎᑕᐅᔪᑦ ᓇᖕᒥᓂᖁᑎᒋᔭᐅᔪᒧᓪᓕ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᑮᓇᐅᔭᖃᕐᕕᒻᒥ ᐊᑐᖅᑐᐊᕈᓐᓇᑎᑦᑎᔪᑦ ᐊᑭᓕᒃᓴᓂᐅᑎᓂᑦ ᐊᒻᒪᓗ ᐊᑯᓂᐅᑎᒋᔪᖅ ᐊᑭᓕᖅᓱᐸᓪᓕᐊᒐᔭᕐᓗᒋᑦ ᐋᖅᑭᒃᓯᒪᓗᑎᑦ ᐊᑐᖅᑐᐊᑎᑦᑎᒍᓐᓇᖅᑐᑦ. ᑮᓇᐅᔭᖃᕐᕕᒻᒥ ᐊᑭᓕᒃᓴᓂᒍᓐᓇᐅᑏᑦ ᓄᑖᕈᕆᐊᖅᑕᐅᖃᑦᑕᕆᐊᓖᑦ ᐊᕐᕌᒍᑕᒫᑦ. ᐊᑯᓂᐅᑎᒋᔪᖅ ᐋᖅᑭᒃᓯᒪᓗᑎᑦ ᐊᑭᓕᖅᓱᖅᑕᐅᔭᕆᐊᓖᑦ ᐊᑐᖅᑐᐊᖅᑕᐅᓲᓄᑦ, ᐊᑯᓂᐅᓂᖓ ᐊᑭᓕᖅᓱᕐᓗᒍ ᑕᓪᓕᒪᐅᕗᑦ ᐊᕐᕌᒍᑦ ᐊᑭᓕᕇᕐᓗᒍ ᐊᑯᓂᐅᓂᖓ 25−ᖑᔪᓐᓇᖅᑐᑎᑦ ᐊᕐᕌᒍᑦ.
ᕿᑐᕐᖏᐅᕈᑏᑦ ᐊᑭᖏᑦ ᐋᖅᑭᒃᑕᐅᓯᒪᓲᑦ ᓈᓴᖅᑕᐅᓪᓗᑎᑦ ᐊᑐᖅᑐᐊᖅᑕᐅᔪᑦ ᐊᒥᓲᓂᖏᑦ ᐊᒻᒪᓗᒃᑲᓐᓂᖅ ᐊᓯᐅᔭᐅᔪᓐᓇᕐᓂᖏᑕ ᑮᓇᐅᔭᑦ ᐊᑭᓖᙲᓐᓇᖅᑕᐅᓗᑎᑦ ᓇᓪᓕᐅᒃᑯᒫᖏᑦ ᐊᑭᓕᖅᑕᐅᒃᑲᓐᓂᕆᐊᖃᓲᑦ 0%-ᒥ ᑎᑭᑦᑐᒍ 5%-ᓄᑦ. ᐊᑭᖏᑦ ᐊᑐᖅᑐᐊᕐᓗᓂ ᐋᖅᑭᑦᑕᐅᓲᑦ ᓄᓇᕗᑦ ᒐᕙᒪᖏᑕ ᐊᑭᓖᑎᑦᑎᓂᖃᓲᖏᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐃᖅᑲᓇᐃᔭᕐᓗᓂ ᐊᑭᑐᔫᑏᑦ ᐊᑐᖅᑐᐊᖅᑕᐅᔪᑦ. ᕿᑐᖏᐅᕈᑎᖏᑦ ᐊᑭᖏᑦ ᐊᑐᖅᑕᐅᒋᐊᓯᓲᑦ ᓯᕗᓪᓕᖅᐹᖓᓂ ᐅᓪᓗᖅ ᐊᕕᑦᑐᖅᓯᒪᓂᐊᓂ ᐊᕐᕌᒍᒥ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᑕ ᑲᑎᒪᔨᖏᑦ ᐊᖏᖅᓯᓚᐅᖅᑎᓪᓗᒋᑦ ᐊᑐᖅᑐᐊᕐᕕᐅᓂᐊᖅᑐᒥᒃ ᑮᓇᐅᔭᖃᕐᑯᒻᒥ ᐊᒻᒪᓗᒃᑲᓐᓂᖅ ᐊᓯᐅᔭᐅᔪᓐᓇᕐᓂᖏᑕ ᑮᓇᐅᔭᑦ ᐊᑭᓖᙲᓐᓇᖅᑕᐅᓗᑎᑦ ᓇᓪᓕᐅᒃᑯᒫᖏᑦ ᐊᑭᓕᖅᑕᐅᒃᑲᓐᓂᕆᐊᖃᓲᑦ ᐱᖃᓯᐅᔾᔭᐅᓪᓗᓂ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᑕ ᐊᑐᖅᑐᐊᖅᑕᐅᓂᕐᒧᑦ ᐋᖅᑭᓱᖅᓯᒪᓲᑦ ᐊᑲᐅᔪᒥᒃ ᑮᓇᐅᔭᓂᑦ ᐊᑐᖅᑐᖃᕈᓐᓇᓂᐊᕐᒪᑦ ᓇᖕᒥᓂᖁᑎᒋᔭᐅᔪᖅ ᐊᐅᓚᑎᔪᓐᓇᖁᓪᓗᒍ ᖃᓄᖅᑑᖅᓯᒪᓂᒃᑯᑦ ᓲᕐᓗᒃ:
- ᕿᑐᖏᐅᕈᑎᑐᐊᑦ ᐊᑭᓕᖅᑕᐅᓗᑎᑦ ᐱᖓᓱᓄᑦ ᐊᕐᕌᒍᓄᑦ ᐊᑭᓕᖅᓱᖅᑕᐅᕙᓪᓕᐊᓗᑎᑦ;
- ᐊᑭᓕᐅᑕᐅᔪᑦ ᓇᓕᒧᓐᓂᖃᖅᑎᑕᑐᐊᕆᓗᒋᑦ ᑮᓇᐅᔭᖅᑖᕐᓂᖅᓴᐅᕕᐅᓲᑦ ᓇᖕᒥᓂᖁᑎᒋᔭᐅᔪᒧᑦ ᓇᖕᒥᓂᖁᑎᖓ ᐃᖏᕐᕋᓂᖃᖅᑎᓪᓗᒍ;
- ᐱᕙᓪᓕᐊᓂᖃᐅᕐᓗᓂ ᐊᑭᓕᖅᓱᐃᕙᓪᓕᐊᓂᖅ;
- ᐊᒥᓱᑲᓪᓚᓐᓂᒃ ᐊᑭᓖᑲᐃᓐᓇᖃᑦᑕᕐᓗᓂ; ᐊᒻᒪᓗ
- ᐊᑐᖅᑐᐊᑎᑦᑎᓲᑦ ᐊᑭᓕᒃᓴᓂᒍᓐᓇᑎᑦᑎᓂᖏᑦ.
ᑕᒪᒃᑯᐊ ᐱᓕᕆᐊᒃᓴᐅᔪᐃᑦ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐃᓱᒪᒋᔭᖓᑦ ᒥᑭᑦᑐᓄᑦ ᐊᒻᒪᓗ ᕿᑎᓪᓗᐊᖓᓃᑦᑐᓄᑦ ᐊᖏᓂᖏᑦ ᓇᖕᒥᓂᕆᔭᐅᔪᑦ ᐅᑯᓇᓂ ᐃᓚᖃᖅᐳᑦ:
- ᓂᐅᕕᕐᓂᖅ ᐱᖁᑏᑦ ᐱᒋᔭᐅᔅᓲᔭᕐᓂᐊᖅᑐᓂᑦ;
- ᐊᑐᖅᑐᐊᖅᑎᑦᑎᓂᕐᒧᑦ ᑎᒍᒥᐊᕐᓂᕐᒧᑦ ᐱᐅᓯᑎᑦᑎᕚᓪᓕᖅᑎᑦᑎᓂᖅ;
- ᐊᑭᓕᒃᓴᓕᒫᑦ ᑲᑎᓐᓂᖏᓐᓂᑦ;
- ᐊᑮᑦᑐᓄᑦ ᑮᓇᐅᔭᓂᒃ ᐊᑐᖅᑐᐊᕐᓂᕐᒧᑦ ᐸᐃᑉᐹᖅ ᐊᑦᑕᕐᓇᖅᑐᒃᑰᙱᑦᑎᐊᕐᓂᕐᒥᑦ ᑳᓐᑐᕌᒃᑎᐅᔪᓄᑦ;
- ᑐᓂᓯᓂᖅ ᑮᓇᐅᔭᑦ ᐊᐅᓚᑦᔪᑎᒃᓴᐅᔪᑦ ᓈᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᓐᓂ ᐱᓂᕐᒥᑦ; ᐊᒻᒪᓗ
- ᐱᑲᐃᓐᓇᖅᑐᒥ ᐅᕝᕙᓘᓐᓃᑦ ᐊᑐᖅᑐᐊᑲᐃᓐᓇᒐᒃᓴᒥᑦ ᑮᓇᐅᔭᖅᑖᕈᓐᓇᐅᑎᓂᒃ.