ᖃᓄᐃᑦᑑᓂᖏᑦ ᐊᑭᓕᒃᓴᓂᓪᓗᓂ

ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ, ᒪᓕᑦᑐᒋᑦ ᐱᖁᔭᖅᑎᒍᑦ ᐱᔪᓐᓇᑎᑦᑎᒍᑎᓂᖏᑦ, ᑎᓴᒪᓂᑦ ᐊᔾᔨᒌᙱᑦᑐᓂᑦ ᑮᓇᐅᔭᓂᑦ ᐊᑐᖅᑐᐊᑎᑦᑎᒍᓐᓇᓲᑦ.  ᐊᒥᓲᓂᖏᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᑕ ᐱᔨᑦᑎᕋᖅᑕᖏᑦ ᐊᑐᓲᑦ ᓇᖕᒥᓂᖁᑎᖏᖕᓄᑦ ᐊᑐᖅᑐᐊᕋᒃᓴᓂᑦ.

ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐅᑯᓂᖓ ᐊᔾᔨᒌᙱᑦᑐᓂᑦ ᓇᖕᒥᓂᖁᑎᓕᖕᓄᑦ ᐊᑐᖅᑐᐊᑎᑦᑎᒍᓐᓇᓲᑦ:

ᐊᑯᓂᐅᑎᒋᔪᖅ ᐋᖅᑭᒃᓯᒪᓂᖃᐃᓗᓂ ᐊᑭᓕᖅᓱᐃᓂᐊᕐᓗᓂ ᐊᑐᖅᑐᐊᕈᑎ
ᑮᓇᐅᔭᖃᕐᕕᒻᒥ ᐊᑭᓕᒃᓴᓂᒍᓐᓇᐅᑎ ᑮᓇᐅᔭᒃᑯᕕᒃ 
ᓴᓇᔭᐅᔪᓄᑦ ᑮᓇᐅᔭᖃᖅᑎᑕᐅᑲᐃᓐᓇᖃᑦᑕᕐᓂᖅ 
ᐊᑭᓖᙲᓐᓇᖅᑐᖃᖅᑐᒥᓂᐅᑎᓪᓗᒍ ᐊᑭᓕᒃᓴᓂᐅᑎᒧᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᓐᑯᖏᑦ ᐊᑭᓖᔭᕆᐊᖃᕐᓂᖏᑦ ᖁᔭᓈᖅᑕᐅᔪᓐᓇᕋᓂᓗ ᐊᑭᓖᓂᐊᕐᓂᕋᖅᓯᒪᓂᖏᑦ ᑎᑎᖅᑲᓕᐊᕆᔭᐅᓯᒪᔪᖅ

ᐊᑯᓂᐅᑎᒋᔪᖅ ᐋᖅᑭᒃᓯᒪᓂᖃᐃᓗᓂ ᐊᑭᓕᖅᓱᐃᓂᐊᕐᓗᓂ ᐊᑐᖅᑐᐊᕈᑎ ᐋᖅᑭᒃᓯᒪᓂᖃᕐᓗᓂ ᐊᑐᖅᑐᐊᖅᑕᐅᒋᐊᙵᕈᑎᖏᑕ ᐊᒥᓲᓂᖏᑦ, ᑕᖅᑭᑕᒫᑦ ᐊᑐᖅᑐᐊᕆᐊᙵᖅᑕᖓᓄᑦ ᐊᑭᓕᖅᓱᐃᖃᑦᑕᕐᓗᓂ ᐊᒻᒪᓗᒃᑲᓐᓂᖅ ᕿᑐᕐᖏᐅᕈᑏᑦ ᐊᑭᓕᐅᑕᐅᓗᑎᑦ, ᐊᑯᓂᐅᓂᖃᖅᑎᑕᐅᓲᖑᔪᑦ ᑮᓇᐅᔭᓕᐅᕈᓐᓇᕐᓂᖓᓂᒃ ᐱᖁᑎᒋᔭᐅᔫᑉ ᑮᓇᐅᔭᖃᖅᑎᑕᐅᔾᔪᑎᖓᑕ.

ᐃᓱᓕᑦᑎᓂᖓ ᐊᑯᓂᐅᓂᖃᖅᑎᑕᐅᒐᔭᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᓄᑦ 5 ᐊᕐᕌᒎᓲᖑᕗᑦ ᐊᑭᓕᖅᓱᖅᑕᐅᓗᑎᑦ ᐊᑐᖅᑐᐊᖅᑕᐅᔪᑦ, ᐃᓱᓕᕝᕕᖃᕐᓗᓂ 25-ᓂᑦ ᐊᕐᕌᒍᓄᑦ ᓄᑖᕈᓕᖅᑎᒃᑲᓐᓂᖃᑦᑕᕐᓗᒋᑦ ᐊᑐᖅᑐᐊᕈᑏᑦ.

 ᑮᓇᐅᔭᖃᕐᕕᒻᒥ ᐊᑭᓕᒃᓴᓂᒍᓐᓇᐅᑎ ᑮᓇᐅᔭᒃᑯᕕᒃ ᐃᖅᑲᓇᐃᔮᖃᕐᓗᓂ ᐊᑭᑐᔫᑎᓄᑦ ᐊᔪᕐᓇᙱᑎᑦᑎᒍᑕᐅᕗᖅ ᓇᖕᒥᓂᖁᑎᒋᔭᐅᔪᒧᑦ “ᐊᐅᓚᓂᖃᑦᑎᐊᖁᓪᓗᒍ” ᑮᓇᐅᔭᓂᑦ ᐊᑐᕆᐊᓕᖏᑦ ᐊᑐᐃᓐᓇᐅᒪᖁᓪᓗᒋᑦ ᐃᖏᕐᕋᓂᖃᑦᑎᐊᓂᒃᑯᑦ ᐊᕐᕌᒍᑕᒫᑦ ᓇᖕᒥᓂᖁᑎᒋᔭᐅᔪᖅ ᐃᖏᕐᕋᓂᖃᖅᑎᓪᓗᒍ.  ᑮᓇᐅᔭᖃᕐᕕᒻᒥ ᐊᑭᓕᒃᓴᓂᒍᓐᓇᐅᑎ ᑮᓇᐅᔭᒃᑯᕕᒻᒥ ᓂᕆᐅᒋᔭᐅᔪᖅ “ᐊᑐᖅᑕᐅᖏᓐᓇᖃᑦᑕᓂᐊᕐᒪᑦ” ᐊᑭᓕᖅᑕᐅᖃᑦᑕᕐᓗᓂᓗ ᐊᑭᓕᒃᓴᓂᐅᑎᒋᒍᓐᓇᖅᑕᖏᑦ ᐊᒥᓲᓂᖏᑦ ᓱᕐᕋᙱᓪᓗᑎᑦ ᐊᓯᔾᔨᖅᑕᐅᙱᑐᐊᕈᑎᑦ. ᑖᓐᓇ ᐊᑭᓕᒃᓴᓂᒍᓐᓇᑎᑦᑎᒍᑎ ᐊᑐᖅᑕᐅᓲᖅ ᐃᒡᓗᕐᔪᐊᓄᑦ ᐱᕙᓪᓕᐊᓂᖃᖅᑎᑦᑎᒍᒪᔪᑦ ᐱᓕᕆᐊᖃᕐᓗᑎᑦ ᐊᒻᒪᓗ ᐊᑐᖅᑕᐅᓲᖅ ᐱᓕᕆᐊᖅ ᐱᔭᕇᖅᑕᐅᓇᓱᐊᕐᓂᖓᓄᑦ ᐅᕝᕙᓘᓐᓃᑦ ᐳᓴᓐᑎᒋᔭᐅᔪᑦ ᐱᔭᕇᖅᑕᐅᕙᓪᓕᐊᑎᓪᓗᒋᑦ ᐊᑐᖅᑐᐊᖃᑦᑕᕐᓗᓂ. ᑎᑎᖅᑲᐅᕗᖅ ᐊᑭᓕᒃᓴᖃᕐᓂᕐᒧᑦ ᑮᓇᐅᔭᖃᕐᕕᒻᒥ
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐃᑲᔫᓯᐊᖅᑖᕋᔭᖅᑐᒧᑦ ᐊᑭᓕᐅᑎᖃᕐᓂᐊᕋᒥᒃ ᐊᑭᓕᒃᓴᓂᐅᑎᐅᔪᒧᑦ ᐊᑭᓖᙲᓐᓇᖅᑐᒥᓂᐅᒍᓂ ᐱᔨᑦᑎᖅᑕᐅᔪᒧᑦ ᐊᑭᓕᖅᓱᐃᔭᕆᐊᖃᖅᑎᓪᓗᒍ ᐊᒻᒪᓗ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᓄᑦ ᖁᔭᓈᖅᑕᐅᔪᓐᓇᕋᓂ ᐊᑭᓖᓂᐊᕐᓂᕋᖅᓯᒪᓂᖏᑦ ᐊᑭᓖᙲᓐᓇᖅᑐᖃᖅᑐᒥᓂᐅᑎᓪᓗᒍ ᐊᑭᓕᒃᓴᕆᔭᐅᔪᒥᒃ ᐊᑭᓖᔭᕆᐊᖃᖅᑐᑎᑦ.

* ᐃᑲᔫᓯᐊᖅᑖᖅᑐᖅ ᐃᓄᒃ ᐊᑭᓕᐅᑎᒋᔭᐅᔪᖅ ᐱᔨᑦᑎᖅᑕᐅᔪᖅ ᐊᑭᓕᕆᐊᓕᖕᒥᓂᒃ ᐊᑭᓖᙲᓐᓇᖅᑐᒥᓂᐅᑎᓪᓗᒍ.

ᒪᕐᕉᖕᒪᑎᒃ ᐊᑭᓕᒃᓴᓂᒍᓐᓇᐅᑎᒧᑦ ᐊᑭᓖᙲᓐᓇᖅᑐᖃᖅᑐᒥᓂᐅᑎᓪᓗᒍ ᑯᐊᐳᕇᓴᓐᑯᑦ ᐊᑭᓖᔭᕆᐊᖃᕋᔭᕐᓂᖏᑦ:

  1.  ᐅᖃᖅᓯᒪᔪᓄᑦ ᑳᓐᑐᕌᒃᑦ−ᒋᔭᐅᔪᓄᑦ, ᐊᑐᖅᑕᐅᓲᑦ ᓴᓇᔪᖃᖅᑎᓪᓗᒍ ᑳᓐᑐᕌᒃᑦ−ᒋᔭᐅᔪᑦ ᐊᒻᒪᓗ ᐊᐅᔾᔨᖃᐸᓗᑦᑐᑦ ᑮᓇᐅᔭᑦ ᑮᓇᐅᔭᒃᑯᕕᒻᒥ ᑎᑎᖅᑲᕆᔭᐅᔪᑦ ᐊᑭᓕᒃᓴᓂᒍᓐᓇᐅᑎᑖᖅᑎᑦᑎᖁᔨᔾᔪᑎ; ᐊᒻᒪᓗ
  2.  ᓱᓇᒃᑯᑖᖅᑖᑎᑦᑎᔨᓄᑦ ᐊᒻᒪᓗ/ᐅᕝᕙᓘᓐᓃᑦ ᑕᐅᖅᓰᓂᒃᑯᑦ ᐊᑭᓕᒃᓴᓂᒍᓐᓇᐅᑎ.

ᖄᖓᒍᒃᑲᓐᓂᖅ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐅᑯᓂᖓ ᐊᔾᔨᒌᙱᑦᑐᓂᑦ ᑮᓇᐅᔭᖃᕐᕕᓂᑦ ᐊᑭᓕᒃᓴᓂᒍᓐᓇᐅᑎᑖᕈᓐᓇᖅᑐᑦ ᐊᑐᕐᓗᑎᑦ:

  1. ᐊᑐᖅᑐᐊᕈᑏᑦ ᐊᑭᓕᖅᑕᐅᓪᓚᕆᓐᓂᐊᖅᑐᑦ ᑮᓇᐅᔭᖃᕐᕕᒻᒧᑦ ᐊᑐᖅᑐᐊᕐᕕᐅᒐᔭᖅᑐᑎᑦ.
  2. ᑮᓇᐅᔭᑦ ᑮᓇᐅᔭᖃᕐᕕᒻᒥ ᑎᑎᖅᑲᖏᑦ ᐊᑭᓕᒃᓴᓂᒍᓐᓇᐅᑏᑦ.
  3. ᓇᓪᓕᐅᒃᑯᒫᖅᓯᒪᔪᑦ ᑮᓇᐅᔭᑦ ᑮᓇᐅᔭᖃᕐᕕᒻᒥ ᑎᑎᖅᑲᖏᑦ ᐊᑭᓕᒃᓴᓂᒍᓐᓇᐅᑏᑦ ᑲᒻᐸᓂᐅᔪᓄᑦ ᐊᑭᓕᒃᓴᓂᒍᓐᓇᖅᑎᑕᐅᑎᑦᑎᒍᑏᑦ ᐊᑭᓕᖅᓱᖅᑕᐅᒐᔭᕐᓗᑎᑦ ᕿᑐᕐᖏᐅᕈᑎᑎᒍᑦ.