ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᓄᓇᕗᑦ ᒐᕙᒪᒃᑯᓐᓄᑦ ᑎᒥᖁᑎᒋᔭᐅᔪᑦ. ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᐱᒋᐊᖅᑎᑕᐅᓚᐅᖅᑐᖅ ᓴᖅᑭᑕᐅᓪᓗᓂ ᐊᐃᕆᓕ 1, 1999ᖑᑎᓪᓗᒍ ᐱᖁᔭᖅᑎᒍᑦ ᐃᓚᖓ 29 ᓄᓇᕗᑦ ᐱᖁᔭᖅ (ᑲᓇᑕ). ᑖᒃᑯᐊ ᓄᓇᕗᒻᒥ ᓇᒻᒥᓂᖃᖅᑐᓄᑦ ᑮᓇᐅᒃᑯᕕᒃ ᑯᐊᐳᕇᓴᓐ ᐱᖁᔭᖓ ᓇᓗᓇᐃᖅᓯᔪᖅ ᒪᓕᒐᖅᑎᒍᑦ ᐊᐅᓚᓂᖏᑦ ᐋᖅᑭᑦᑕᐅᓯᒪᔪᑦ ᐊᒻᒪ ᒪᓕᒋᐊᓖᑦ ᐱᓗᐊᖅᑐᒋᑦ ᐊᐅᔾᔪᑎᖏᓐᓄᑦ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᐅᓂᒃᑳᓕᐅᓲᖑᕗᑦ ᒥᓂᔅᑕᐅᔪᒧᑦ ᑲᒪᒋᔭᓕᒃᑯᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒥ. ᖃᓄᐃᓐᓂᐅᖃᑦᑕᖅᑐᓯᒪᔪᑦ ᑭᖑᓂᕆᔭᑦᑎᓐᓂᑦ, ᒥᓂᔅᑕ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑖᓐᓇ ᑲᒪᒋᔭᖃᕐᒥᔪᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃᑯᓐᓂᑦ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃᑯᑦ, ᑕᐃᒫᑦᑕᐅᖅ ᓄᓇᕗᒻᒥ ᐱᖁᔭᖅᑎᒍᑦ ᑎᒥᕈᖅᑎᑕᐅᓯᒪᔪᑦᑐᑦ, ᒪᓕᒻᒥᒻᒪᑕ ᒪᓕᒋᐊᓕᓐᓂᑦ ᐱᓯᒪᔪᓂᑦ ᐃᓚᖓᓐᓂᑦ ᐅᖃᖅᓯᒪᔪᑦ IX ᐅᑯᓇᙵᑦ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᖅ.
ᕿᒥᕈᔭᐃᓇᕆᓗᒍ
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐱᓇᓱᐊᒐᖃᐃᓐᓇᖅᑐᑦ “ᑮᓇᐅᔭᖅᑎᒍᑦ ᐊᑐᕆᐊᓕᖕᓂᑦ ᐋᖅᑭᒃᓱᐃᔨᐅᓪᓗᑎᑦ ᐊᑐᖅᑕᐅᒍᒪᖔᓲᖑᓪᓗᑎᑦ” ᓄᓇᕗᒻᒥ ᓇᖕᒥᓂᖁᑎᖃᐅᖅᑐᓄᑦ ᐊᒻᒪᓗ ᐃᓕᓴᕆᔭᐅᓗᑎᑦ “ᐊᑐᖅᑐᐊᑎᑦᑎᔩᑦ ᐅᑭᐅᖅᑕᖅᑐᒥ ᐱᕙᓪᓕᐊᒍᑎᒃᓴᓕᐅᖁᓪᓗᑎᑦ”.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᑕ ᑲᑎᒪᔨᖏᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ, “ᐊᑐᖅᑐᐊᑎᑦᑎᔩᑦ ᐅᑭᐅᖅᑕᖅᑐᒥ ᐱᕙᓪᓕᐊᒍᑎᒃᓴᓕᐅᖁᓪᓗᑎᑦ”−ᐅᓪᓗᑕ, ᑐᑭᓕᒃ ᐱᒻᒪᕆᐅᔪᓂᑦ ᐋᖅᑭᒃᓱᐃᓲᖑᓪᓗᑕ ᐱᓕᕆᖃᑎᖃᕆᐊᓯᓪᓗᑕ, ᐃᖅᑲᓇᐃᔭᖃᑎᖃᓲᖑᓪᓗᑕ, ᐊᒻᒪᓗ ᖃᐅᔨᒪᓂᖃᖅᑐᑕ ᑯᐊᐳᕇᓴᑉ ᐱᔨᑦᑎᖅᑕᖏᑦ ᐱᕈᖅᐸᓪᓕᐊᖁᓪᓗᒋᑦ ᑮᓇᐅᔭᓕᐅᕆᐊᓯᓗᑎᑦ. ᑕᐃᒪᐃᒍᓐᓇᖁᓪᓗᑕᓗ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐃᖅᑲᓇᐃᔭᖃᑎᖃᑦᑎᐊᓲᑦ ᐱᔨᑦᑎᖅᑕᒥᓂᒃ ᐊᔪᕈᓐᓃᓂᖅᓴᐅᖁᓪᓗᒋᑦ ᐊᒻᒪᓗ ᑮᓇᐅᔭᓂᑦ ᐊᑐᕈᓐᓇᑦᑎᐊᓂᖅᓴᐅᖁᓪᓗᒋᑦ ᐱᕕᑖᕐᓂᖅᓴᐅᓗᑎᓪᓗ ᖃᓄᐃᓕᐅᕈᓐᓇᓂᕐᒥᓂᒃ. ᑯᐊᐳᕇᓴᐅᔪᖅ ᑲᓱᖅᑎᑦᑎᓲᖑᒻᒥᔪᖅ ᓄᓇᓕᓐᓂ ᓇᖕᒥᓂᖁᑎᖃᐅᖅᑐᓂᑦ, ᐊᓯᖏᓪᓗ ᑎᒥᐅᔪᑦ ᐱᕙᓪᓕᐊᔪᓕᕆᕙᑦᑐᑦ ᐊᒻᒪᓗ ᐊᓯᖏᓐᓂᓗ ᐃᓄᑐᐃᓐᓇᕐᓄᑦ ᓇᖕᒥᓂᖁᑎᖃᐅᖅᑐᓪᓗ ᐊᑭᑐᔫᑎᓄᑦ ᐱᒋᐊᖅᑎᑦᑎᒍᓐᓇᖃᑦᑕᖅᑐᓂᑦ. ᓇᖕᒥᓂᖁᑎᒋᔭᐅᔪᓂᑦ ᑲᔪᓯᓂᖃᑦᑎᐊᑎᑦᑎᒐᓱᐊᓲᖑᒻᒥᔪᑦ ᐃᖅᑲᓇᐃᔭᖃᑎᒋᓲᖏᓐᓂᑦ ᐱᔨᑦᑎᖅᑕᒥᓂᒃ ᐊᒻᒪᓗ ᖃᓄᐃᓕᐅᕈᓘᔭᖅᑎᑦᑎᓲᑦ ᑖᔅᓱᒥᖓ ᐱᓇᓱᐊᒐᓪᓚᕆᒻᒥᓂᒃ.
ᑕᒪᓐᓇ ᑕᐅᑐᙳᐊᖅᑕᐅᔪᖅ ᖃᓄᐃᓕᖓᒐᓱᐊᕐᓂᖓ ᐱᕕᖃᖅᑎᑦᑎᓂᕐᒥᒃ ᑲᔪᓯᑎᑦᑎᑦᑎᐊᓂᕐᒥᓪᓗ ᑐᙵᕕᖃᖅᑐᖅ ᐱᕐᔪᐊᖑᓱᕆᔭᑦᑎᓐᓄᑦ ᒪᑭᒪᔪᓐᓇᖅᑐᒥᒃ ᓇᖕᒥᓂᖅᓱᕐᓗᑎᑦ ᐱᕙᓪᓕᐊᒍᑎᖃᓕᕐᓗᑎᑦ ᓄᓇᕗᒻᒥ ᐊᒻᒪᓗᑦᑕᐅᖅ ᓯᓚᑐᔪᒃᑯᑦ ᑐᙵᕕᖃᕐᓗᑎᑦ ᓇᖕᒥᓂᖁᑎᒋᔭᐅᔪᓂᑦ ᐊᐅᓚᑦᑎᓂᕐᒥᒃ.
ᐱᓇᓱᐊᒐᕆᔭᐅᔪᖅ ᐱᖁᔭᖅᑎᒍᑦ ᐊᒻᒪᓗ ᐱᓇᓱᐊᖅᑕᕗᑦ
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᑕ ᐱᓇᓱᐊᒐᕆᔭᐅᔪᖅ ᐱᖁᔭᖅᑎᒍᑦ ᐱᕙᓪᓕᐊᑎᑦᑎᒋᐊᕐᔫᒥᓗᑎᑦ ᐊᒻᒪᓗ ᐃᖅᑲᓇᐃᔮᖅᑖᑎᑦᑎᓗᑎᑦ ᓄᓇᕗᒻᒥ ᐃᑲᔪᖅᑐᐃᖃᑦᑕᕐᓂᖏᑎᒍᑦ, ᑮᓇᐅᔭᖃᖅᑎᑦᑎᓂᖏᑎᒍᑦ, ᐊᒻᒪᓗ ᑮᓇᐅᔭᓂᑦ ᐊᑐᕐᓗᑎᑦ ᓄᓇᕗᒻᒥᐅᑦ ᓇᖕᒥᓂᖁᑎᖃᐅᖅᑐᓂᑦ. ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᒪᓂᒻᒪᐃᓲᖑᙱᑦᑐᖅ ᐊᐃᑦᑑᑎᓂᒃ ᐊᒻᒪ ᐃᓱᒪᒋᔭᐅᔪᓐᓃᕐᓇᖅᑐᓂᒃ ᑮᓇᐅᔭᑦ ᐊᑐᖅᑐᐊᖅᑕᐅᓯᒪᔪᓂᑦ ᐊᒻᒪ ᓇᒻᒥᓂᖅᑖᕆᓂᐊᕐᓗᒍ ᐱᕈᖅᑎᑦᑎᓇᓱᖕᓂᖃᙱᖦᖢᑕ.
ᐅᑭᐅᖅᑕᖅᑐᒥ ᐊᑐᖅᑐᐊᖅᑎᑦᑎᔨᐅᑎᓪᓗᑕ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒥ ᒪᓂᒻᒪᐃᓲᖑᕗᑦ ᑮᓇᐅᔭᑎᒍᑦ ᐊᑐᖅᑕᐅᖔᕈᓐᓇᖅᑐᓂᒃ ᓇᖕᒥᓂᖃᕐᕕᐅᔪᓄᑦ ᐱᕐᔪᐊᖑᙱᓐᓂᖅᓴᓄᑦ ᐊᑯᓐᓂᖅᓱᖅᑐᓄᓪᓗ ᓄᓇᕗᒻᒥ ᑕᐃᒃᑯᓄᖓ ᓇᖕᒥᓂᖃᖅᑎᐅᔪᓂᒃ ᐊᔪᕐᓇᖅᑐᖅᓯᐅᓕᖅᐸᒃᑐᓂᒃ ᓇᖕᒥᓂᕆᔭᑎᒃ ᐊᐅᓚᑎᑦᑎᐊᕋᓱᒋᐊᒃᓴᖅ. ᐊᒥᓲᓪᓗᑎᒃ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒥ ᐃᑲᔪᖅᑕᐅᓲᑦ ᐱᒋᐊᖅᑎᑕᐅᓯᒪᓪᓗᑎᒃ ᓇᖕᒥᓂᖃᕐᕕᐅᕗᑦ ᐱᕚᓪᓕᖁᓪᓗᓂᔾᔪᒃ ᐅᕝᕙᓘᓐᓃᑦ ᐃᒻᒥᓂᒃ ᐃᖏᕐᕋᓯᑦᑎᐊᖅᑎᑦᑎᔪᒪᔪᓄᑦ ᓇᖕᒥᓂᖃᕐᕕᒋᔭᒥᓂᒃ. ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒥ ᐊᖏᓲᖑᒋᕗᑦ ᐱᓇᔫᑎᓂᒃ ᓄᑖᓄᑦ ᓇᖕᒥᓂᖅᑖᕆᔭᐅᕙᓪᓕᐊᔪᓄᑦ.
ᐃᑲᔪᖅᑕᐅᔭᕆᐊᓕᖕᓂᒃ ᐃᓄᑑᖃᑎᒋᓪᓗᒋᑦ ᐱᓕᕆᖃᑎᒋᓪᓗᒋᑦ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒥ ᐊᒃᓱᕈᖅᖢᑎᒃ ᐱᔾᔪᑎᖃᙱᑦᑐᓄᑦ ᐃᓱᒪᒋᔭᐅᑦᑎᐊᕆᐊᖃᕐᒪᑕ ᐊᑐᓂ ᐱᓇᔫᑕᐅᔪᓄᑦ, ᖃᐅᔨᒪᔭᐅᖁᓪᓗᒋᑦ ᐱᐅᓂᕆᔭᖏᑦ ᑕᒪᐃᓐᓂᒃ ᑐᒃᓯᕋᐅᑕᐅᓯᒪᔪᓂᒃ ᓇᖕᒥᓂᖃᕐᕕᐅᔪᓂᒃ ᖃᐅᔨᓴᖅᑕᐅᓂᖏᓐᓂ. ᑯᐊᐳᕇᓴᒃᑯᑦ ᑭᖑᓂᐊᒍᑦ ᑮᓇᐅᔭᑎᒍᑦ ᐃᑲᔪᓲᑦ ᐱᓕᕆᐊᕆᔭᐅᔪᓄᑦ ᒪᓂᒻᒪᔭᐅᓲᓄᑦ ᐱᐅᓛᓂᒃ ᐱᓕᕆᐊᖑᑦᑎᐊᕈᓐᓇᖅᑐᓄᑦ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᑕ ᐱᓇᓱᐊᒐᖓ ᐱᕙᓪᓕᐊᑎᑦᑎᒋᐊᕐᔫᒥᓗᑎᑦ ᐊᒻᒪᓗ ᐃᖅᑲᓇᐃᔮᖅᑖᑎᑦᑎᓗᑎᑦ ᓄᓇᕗᒻᒥ. ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᑐᓂᓯᓲᖑᕗᑦ ᓇᖕᒥᓂᖃᕐᕕᐅᔪᓂᒃ ᑮᓇᐅᔭᑎᒍᑦ ᐃᑲᔪᖅᐸᒃᖢᒋᑦ ᐊᑐᖅᑐᐊᕈᓐᓇᙱᑦᑕᕌᖓᑕ ᐊᓯᖏᓐᓂᒃ ᑮᓇᐅᔭᑎᒍᑦ ᐃᑲᔪᖅᑎᒋᔭᐅᓲᓂᒃ ᐱᔾᔪᑎᑦᑎᐊᕙᖃᕐᓗᑎᒃ ᐱᕕᒃᓴᐃᑦ ᖃᓄᐃᑦᑑᓂᖏᓪᓗ. ᓇᖕᒥᓂᖃᖅᑐᓄᑦ ᐱᕙᓪᓕᐊᑎᑦᑎᔨᐅᑎᓪᓗᒋᑦ, ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᐃᓕᓴᖅᓯᐅᒪᕗᑦ ᐱᔪᓐᓇᕐᓂᖃᕐᓂᖅ ᓈᒻᒪᒃᑐᓂᒃ ᐊᑭᑐᔫᑎᓂᒃ ᐱᓕᕆᐊᒃᓴᓂᒃ ᐊᒃᓱᕈᕐᓇᖅᑑᖃᑕᐅᖕᒪᑦ ᐱᓕᕆᐊᖑᕙᒃᖢᓂ ᐅᑭᐅᖅᑕᖅᑐᒥ ᓇᖕᒥᓂᖃᖅᑎᐅᔪᓄᑦ ᐱᓇᔪᒃᑎᓪᓗᒋᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐱᕙᓪᓕᐊᓂᕐᒧᓪᓗ ᐱᓕᕆᐊᕆᔪᓐᓇᖅᑕᖏᓐᓂᒃ.