ᖃᐃᓗᑎᑦ ᐅᖃᖃᑎᒋᓗᒍᓗ ᐱᔨᑦᑎᕋᕐᓂᕐᒧᑦ ᐱᓕᕆᔨᒻᒪᕆᕗᑦ.
ᐃᑲᔪᕈᓐᓇᕋᔭᕌᑎᑦ ᓇᓂᓯᓗᑎᑦ ᒪᓕᑦᑕᐅᔭᕆᐊᓕᖁᑎᖏᓐᓂᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᓂᒃ ᒪᓕᒃᑯᕕᑦ ᐊᑐᖅᑐᐊᕈᓐᓇᕐᓗᑎᑦ ᐊᒻᒪᓗ ᐃᑲᔪᕐᓗᑎᑦ ᐋᖅᑭᓱᖅᑕᐅᔭᕆᐊᓕᖕᓂᒃ ᑲᒪᒋᐊᖃᓯᖅᑎᓪᓗᑎᑦ ᑎᑎᖅᑲᓂᑦ.
ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕖᐅᑉ ᑐᒃᓯᕋᐅᑎᖓ ᐱᓕᕆᓂᕐᒧᑦ ᐱᔾᔪᓯᐅᕗᖅ. ᑲᑎᖅᓱᐃᔭᕆᐊᖃᕐᓂᐊᖅᐳᑎᑦ ᐊᒻᒪᓗ ᑐᓂᓯᓗᑎᑦ ᐅᖃᐅᓯᒃᓴᓂᒃ ᐊᑐᖅᑐᐊᖅᑎᐅᔫᑦ ᑕᑯᔪᒪᓲᖏᓐᓂᑦ ᐃᓱᒪᒃᓴᖅᓯᐅᓚᐅᙱᓐᓂᖏᓐᓂᑦ ᐊᑐᖅᑐᐊᖅᑎᑕᐅᓂᐊᕐᒪᖔᖅᐱᑦ ᑮᓇᐅᔭᓂᑦ. ᐃᓗᓕᖃᓪᓗᐊᖅᐳᑦ ᑕᒪᒃᑭᓂᑦ ᐅᑯᓂᖓ ᓇᖕᒥᓂᖅᑖᕆᓇᓱᐊᖅᑕᕐᓂᑦ ᐸᕐᓇᐅᑎᖓᓂ, ᐹᐃᑉᐹᖃᕐᓂᕐᒧᑦ ᓇᖕᒥᓂᖃᕐᓂᕐᒧᑦ, ᓇᖕᒥᓂᖃᕐᓂᕐᒧᑦ ᓚᐃᓴᓐᓯᒥᑦ, ᐊᒻᒪᓗ ᐱᓕᕆᔨᐅᔪᓄᑦ ᐅᓗᕆᐊᓇᖅᑐᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᓐᓂᖅᑐᖅᓯᐅᑎᓕᕆᔨᒃᑯᑦ (ᐊᓐᓂᖅᑐᖅᓯᐅᑎᓕᕆᔨᒃᑯᑦ) ᒪᓕᑦᑎᐊᕆᐊᖃᕐᓂᖅ, ᓇᓗᓇᐃᖅᓯᒪᔪᓂᒃ ᖃᓄᖅ ᐊᑐᕋᔭᕐᒪᖔᖅᐱᐅᒃ ᑮᓇᐅᔭᖅᑖᕆᓇᔭᖅᑕᕕᑦ.
ᑕᑯᑎᑦᑎᔭᕆᐊᖃᕆᕗᑎᑦ ᓇᓗᓇᐃᖅᓯᑦᑎᐊᕐᓗᑎᑦ ᑲᓇᑕᒥᐅᑕᐅᓂᕐᓂᑦ.
ᖃᐅᔨᒋᐊᒃᑲᓐᓂᕆᐊᕐᓗᑎᑦ ᖃᓄᐃᑦᑐᓂᒃ ᐱᓯᒪᔭᕆᐊᖃᕐᒪᖔᖅᐱᑦ ᑐᒃᓯᕋᐅᑎᕕᑦ ᐃᓗᐊᓂ ᑮᓇᐅᔭᖅᑖᕋᓱᐊᖅᑎᓪᓗᑎᑦ, ᐅᑯᐊ ᐊᑐᕆᐊᓖᑦ ᒪᓕᒡᓗᒋᑦ ᐱᔭᕆᐊᑭᓐᓂᖅᓴᐅᓂᐊᕐᒪᑦ ᐱᓇᓱᐊᕐᓂᕐᒧᑦ:
- ᓇᓗᓇᐃᖅᓯᑦᑎᐊᕐᓗᑎᑦ ᐊᑐᖅᑕᐅᔭᕆᐊᓖᑦ ᐱᑕᖃᕆᐊᖃᑎᑕᐅᔪᑎᖏᑦ ᐱᔭᐃᓐᓇᕆᒐᓚᐅᒃᒪᖔᖅᐳᑦ ᓇᕿᓪᓗᒍ ᐊᑐᖅᑕᐅᔭᕆᐊᓖᑦ ᐱᑕᖃᕆᐊᖃᑎᑕᐅᔪᑎᖏᑦ;
- ᕿᒥᕐᕈᐊᑦᑎᐊᕐᓗᒋᑦ ᐊᑐᖅᑕᐅᕙᓪᓕᐊᔭᕆᐊᓖᑦ ᐱᒋᐊᕐᓗᒍ ᑎᑎᖅᑲᑦ ᑐᓂᔭᐅᔭᕆᐊᖃᕋᔭᖅᑐᑦ ᑕᕝᕙᓂ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖕᒥᑦ ᐊᒻᒪᓗ ᐃᓱᒪᒃᓴᖅᓯᐅᕐᓗᑎᑦ ᑭᑎᖅᓱᐃᑦᑎᐊᕈᓐᓇᕐᒪᖔᖅᐱᑦ ᐱᔭᕆᐊᓕᖕᓂᑦ ᑎᑎᖃᓂᒃ ᐊᑐᕆᐊᓕᖕᓂᑦ;
- ᐅᖃᖃᑎᖃᕆᑦ ᐱᓕᕆᔾᔪᔾᔨᕙᒃᑐᓂᑦ ᖃᐅᔨᒪᔪᖁᑎᑦᑎᓐᓂᑦ ᐊᒻᒪᓗ ᐅᖃᖃᑎᖃᕐᓗᑎᑦ ᐱᓕᕆᐊᖑᔪᒃᓴᑦ ᐸᕐᓇᒃᑕᐅᓯᒪᓂᖏᓐᓂᑦᐊᒻᒪᓗ ᑮᓇᐅᔭᖅᑖᕆᔭᕆᐊᖃᖅᑕᕕᑦ ᐱᔭᕆᐊᖃᖅᑕᕐᓂᑦ ᑐᑭᓯᓇᓱᐊᕐᓗᑎᑦ ᐊᑐᖅᑐᐊᕐᕕᒃᑯᑦ ᐃᑲᔪᕈᓐᓇᕐᒪᖔᑕ.
ᓈᒻᒪᒃᓯᓕᑐᐊᕈᔅᓯᒃ ᐃᕝᕕᑦ ᐊᒻᒪᓗ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᓂᒃ ᐱᔨᑦᑎᕋᕐᓂᕐᒧᑦ ᐱᓕᕆᒻᒪᕆᐅᔪᖅ ᑮᓇᐅᔭᖅᑖᕈᓐᓇᕋᔭᖅᑐᑎᑦ ᐊᑭᓕᒃᓴᓂᓪᓗᑎᑦ ᐱᔭᕆᐊᓕᖕᓂᑦ ᑖᒃᑯᓇᙵᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᓂᒃ, ᓈᑎᕐᓗᒍ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵ ᐊᑐᖅᑐᐊᕐᓂᕐᒧᑦ ᐱᓇᓲᑎ ᓈᑎᕆᐊᓕᒃ ᑎᑎᖅᑲᑦ ᐊᒻᒪᓗ ᑐᓂᓗᒋᑦ ᓈᑎᕆᓯᒪᔪᑦ ᐱᓇᓱᐊᕈᑎᑎᑦ ᐊᑭᓕᒃᓴᓂᒐᓱᐊᕐᓂᕐᒧᑦ ᐱᖃᓯᐅᑎᓗᒋᑦ ᐃᑲᔫᑎᖏᑦ ᑎᑎᖅᑲᑦ.